Ermənistan hökumətinin bugünkü iclasından sonra Baş nazir Nikol Paşinyan keçirdiyi brifinqdə jurnalist ondan soruşub: “Əgər delimitasiya və demarkasiya aparılmayıbsa, nə üçün Gorus-Qafan yolunun bir hissəsi şifahi qərarla Azərbaycana təhvil verilib?”.
Primeinfo.az Teleqraf-a istinadən xəbər verir ki, o, bu qərarı düzgün hesab etdiyini bildirib.
“Silahlı Qüvvələrimizi gətirdik və onları beynəlxalq səviyyədə tanınmış sərhədimiz boyunca yerləşdirdik. Bəli, bunu demarkasiya olmadan etdik və düzgün etdik”, – Paşinyan qeyd edib.
Xatırladaq ki, söhbət sözügedən yolun Azərbaycanın suveren ərazisindən keçən hissəsindən gedir. Yol 44 günlük müharibədən dərhal sonra Azərbaycanın nəzarətinə qaytarılmışdı.
