Türkiyə Prezidenti Rəcəb Tayyib Ərdoğan Rusiya Prezidenti Vladimir Putin, İran Prezidenti Məsud Pezeşkian, Türkmənistan Prezidenti Sərdar Berdiməhəmmədov və Pakistanın Baş naziri Şahbaz Şəriflə görüşüb.
Primeinfo.az bu barədə “TRT Haber”ə istinadən məlumat verib.
Türkiyə prezidentinin rusiyalı həmkarı ilə təkbətək görüşü 40 dəqiqə çəkib.
Ərdoğanın Türkmənistandakı görüşlərinin davam etdiyi bildirilir.
Türkiyə rəhbəri bir sıra həmkarları ilə birgə Aşqabadda təşkil olunmuş Beynəlxalq Sülh və Etimad İli, Beynəlxalq Neytrallıq Günü və Türkmənistanın daimi neytrallığının 30 illiyinə həsr olunmuş forumda iştirak edir.
