“Rusiya İranı silahla təmin etmir, bununla bağlı yayılan şayiələri eşitmək utancvericidir”. Primeinfo.az xəbər verir ki, bu sözləri Rusiyanın xarici işlər naziri Sergey Lavrov mətbuata açıqlaması zamanı bildirib. Lavrov bildirib ki, Yaxın Şərqdə hərbi əməliyyatların davam etməsi nə ABŞ-nin, nə də İranın maraqlarına uyğundur: “Moskva da münaqişənin dayandırılmasının tərəfdarıdır”.
İranın cənub-şərqində yerləşən Sistan və Bəlucistan əyalətinə hücum edilib. Primeinfo.az-ın məlumatına görə, bu barədə “Fars” agentliyi məlumat yayıb. Bildirilib ki, Mircavə şəhərindəki Əli ibn Əbu Talib məscidinin imamı Məhəmməd Ənvər Riqinin bu gün səhər tezdən naməlum şəxslər tərəfindən hücuma məruz qalıb.
Küveyt Hava Hücumundan Müdafiə Qüvvələri İrandan gələn dron hücumunun qarşısını almağa çalışır. Primeinfo.az “Sky News“ə istinadən xəbər verir ki, bu barədə Küveyt ordusu məlumat yayıb. Eşidilən partlayış səslərinin havada zərərsizləşdirilən dronlardan qaynaqlandığı bildirilib.
Yəməndə Səna beynəlxalq hava limanına hücumun məqsədi İrandan gələn təyyarənin enişinə maneə törətmək olub. Primeinfo.az “Reuters“ə istinadən xəbər verir ki, bu barədə Yəmən Müdafiə Nazirliyi məlumat yayıb. Yəmən ordusu İran təyyarəsinin enişini dayandırmaq üçün Səna hava limanının uçuş-enmə zolağını hədəfə aldığını bildirib.
BMT-nin Beynəlxalq Dəniz Təşkilatının (IMO) İdarəetmə Şurası ölkələri İranın Hörmüz boğazı üzərində suverenlik iddialarını və gəmi hərəkətinə nəzarət etmək üçün yaratdığı qurumu tanımamağa çağırıb. Primeinfo.az “Reuters“ə istinadən xəbər verir ki, bu barədə təşkilatın cümə günü qəbul etdiyi sənəddə qeyd olunub. Sənəddə bildirilir ki, dövlətlər İranın Hörmüz boğazı üzərində nəzarəti birtərəfli qaydada ələ keçirmək cəhdlərini rədd etməlidir.
“İran əsla nüvə silahına malik olmamalıdır”. Primeinfo.az xəbər verir ki, bu barədə NATO-nun 36-cı Sammitinin yekunlarına dair “Ankara Bəyannaməsi”ndə qeyd olunub. Sənəddə bildirilir ki, Tehran Hörmüz boğazından sərbəst keçidi təmin etməli, naviqasiya azadlığına hörmətlə yanaşmalıdır.
Tehran Hörmüz boğazında gəmiçiliyin yeni qaydalarının tətbiqini nəzərdən keçirir və dost ölkələr üçün xüsusi şərtlər müəyyən edilə bilər.
Əli Xamenei ilə kütləvi vida mərasimi zamanı şəhərdə böyük insan izdihamı qeydə alınıb. Şəhərin müxtəlif istiqamətlərindən İmam Xomeyni rəsmi musəllasına (Böyük ibadət zalı) doğru axın edən çoxsaylı insanlar nəqliyyatın sıxlığı və yolların qapanması səbəbindən magistralın ortasında kütləvi şəkildə namaz qılıblar. Primeinfo.az xəbər verir ki, rəsmi mənbələrin və hadisə yerindən yayılan canlı görüntülərin verdiyi məlumata görə, paytaxtın mərkəzi yolları ilə hərəkət edən mərasim iştirakçıları ibadət vaxtı yetişdikdə magistral yolların müəyyən hissələrində dayanaraq namaz qılmaq məcburiyyətində qalıblar.
Bu gün səhər saatlarından başlayaraq İranda ölkənin keçmiş dini lideri Seyid Əli Xamneyi ilə vida mərasimi keçirilir.
İranın Birləşmiş Hərbi Komandanlığı Hörmüz boğazından keçən bütün neft tankerlərinin yalnız Tehranın təsdiqlədiyi marşrutlardan istifadə etməli olduğunu, əks halda “qətiyyətli cavabla” üzləşəcəklərini bəyan edib. Primeinfo.az xəbər verir ki, bu barədə İran dövlət televiziyası “Xatəm əl-Ənbiya” Mərkəzi Qərargahının bəyanatına istinadən məlumat yayıb. “İranın Hörmüz boğazında müəyyən etdiyi marşrutlara və naviqasiya qaydalarına əməl edilməməsi, təyin olunmuş marşrutdan kənara çıxılması və ya bu qaydaların pozulması silahlı qüvvələr tərəfindən dərhal və qətiyyətli cavabla qarşılanacaq.
