İranın İsfahan əyalətində orduya məxsus helikopter qəzaya uğrayıb.
Primeinfo.az xəbər verir ki, bu barədə IRNA məlumat yayıb.
Məlumata görə, hadisə Darç şəhərində yerləşən meyvə-tərəvəz bazarının yaxınlığında qeydə alınıb.
Qəzadan dərhal sonra əraziyə xilasetmə və yanğınsöndürmə briqadaları cəlb olunub. Xilasedicilər hadisə yerində baş verən yanğını nəzarətə götürə biliblər.
Qəza nəticəsində 4 nəfər ölüb, bir nəfər yaralanıb. Onlardan birinin pilot, digərinin isə onun köməkçisi olduğu deyilir.
Qəzanın texniki nasazlıq nəticəsində baş verdiyi bildirilir.
