Şamaxı rayonunda 3,9 maqnitudada zəlzələ olub.
Primeinfo.az xəbər verir ki, bu barədə AMEA nəzdində Respublika Seysmoloji Xidmət Mərkəzinin Zəlzələlərin tədqiqatı bürosu məlumat yayıb.
Bildirilib ki, yerli vaxtla saat 05:07-də Qobustan stansiyasından 35 km cənub-qərbdə, Şamaxı rayonunda 3,9 maqnitudada zəlzələ qeydə alınıb.
Zəlzələ ocağı 2 kilometr dərinlikdə yerləşib.
Yeraltı təkan episentrə yaxın yaşayış kəndlərində 3-4 bala qədər hiss olunub.
