Türkiyənin məşhur “Kızılcık şerbeti” serialında azərbaycanlı obrazını (Abidin) yaradan Serkan Rutkay Ayıköz Bakıya gəlib.
Primeinfo.az xəbər verir ki, o, Azərbaycan və Türkiyənin incəsənət nümayəndələri arasında keçirilən futbol matçında iştirak edib.
Aktyor Olay.az-a bildirib ki, bu onun Azərbaycana ilk səfəridir:
“Azərbaycanlı obrazını canlandırmaq üçün təklif “Kızılcık şerbeti” serialının prodüseri tərəfindən edildi. Azərbaycan dilini öyrənmək üçün Nəzrin Əliyeva ilə əməkdaşlığa başladıq. Dillərimiz bir-birinə bənzəyir. Bəzi cizgi filmlərini və retro mahnıları da dinlədikcə Azərbaycan dilini mənimsəməyə başladım. Nəticədə Azərbaycan dilində danışmaq və azərbaycanlı obrazını inandırıcı şəkildə canlandırmaq mənim üçün daha rahat oldu”.
Посмотреть эту публикацию в Instagram
