Belarus Prezidenti Aleksandr Lukaşenko bildirib ki, Kollektiv Təhlükəsizlik Müqaviləsi Təşkilatı (KTMT) Ermənistanla münasibətlərində çox diqqətli olmalıdır.
Primeinfo.az Modern.az-a istinadən xəbər verir ki, Lukaşenko bu haqda KTMT-nin baş katibi Taatbek Masadıkovla görüşündə bildirib.
“Ermənistanla münasibətlərimizdə daha nəzakətli və diqqətli olmalıyıq. Bilirsiniz, Ermənistan KTMT-nin işini dəstəkləmir, amma eyni zamanda üzv olaraq qalır. Biz çox nəzakətli olmalıyıq”, – deyə Lukaşenko bildirib.
Onun sözlərinə görə, Ermənistandakı vəziyyət çox çətindir.
“Ermənistan bu baxımdan, xüsusən də seçki dövründə çətin vəziyyətdədir. Buna görə də Ermənistanla münasibətlərimizdə çox diqqətli və ehtiyatlı olmalıyıq”, – deyə o bildirib.
Keçən həftə, 1 aprel tarixində, Vladimir Putin və Nikol Paşinyan Moskvada Ermənistan-KTMT münasibətləri ilə bağlı mübahisəli fikirlərini açıqlayıblar.
