Rusiyadan İrana göndərilən növbəti humanitar yardımı daşıyan yük maşınları bu gün saat 12:10-də “Cənub-Astara” dövlət sərhədindən buraxılış məntəqəsindən keçərək qonşu ölkəyə yola salınıb.
Primeinfo.az xəbər verir ki, yeddi avtomobildən ibarət olan yük karvanının daşıdığı humanitar yardımın ümumi həcmi 140 tondan artıqdır.
***
10:50
Rusiyadan İrana qatarla göndərilən humanitar yardım Astara Dəmiryolu dövlət sərhəd buraxılış məntəqəsinə çatıb.
Primeinfo.az-ın verdiyi xəbərə görə, müvafiq prosedur qaydalarından sonra humanitar yardım İran İslam Respublikasına təhvil verilib.
