Hörmüz boğazından keçid üçün gəmilərdən rüsum alınması barədə yayılan məlumatlar sadəcə söhbətlərdir, bunun rəsmi təsdiqi yoxdur.
Primeinfo.az xəbər verir ki, bu barədə İranın Ali Rəhbərinin Hindistandakı nümayəndəsi Əbdül Məcid Hakim İlahi TASS-a deyib.
“Bu, xəbərlərdə və sosial şəbəkələrdə yer alıb, lakin İran tərəfindən gəmilərin (boğazdan keçid üçün- red.) ödəniş etməli olduqlarına dair heç bir rəsmi bəyanat yoxdur. Bu, yalnız söhbətlərdir”, — o bildirib.
Ali Rəhbərin nümayəndəsi onu da qeyd edib ki, İran Hörmüz boğazını ABŞ və İsraillə müharibə başa çatdıqdan sonra açacaq.
