Hazırda ABŞ-la “Tramp yolu” layihəsinin həyata keçirilməsi istiqamətində intensiv iş aparılır.
Primeinfo.az xəbər verir ki, bu barədə Baş nazir Nikol Paşinyan Ermənistanın 2026-cı il dövlət büdcəsi layihəsinin Milli Assambleyada müzakirəsi zamanı bildirib.
“Əlbəttə, bu layihə bizim və region üçün yenidir, onun bir çox nüansları var və əminəm ki, biz bu məsələləri mümkün qədər tez müzakirə edib, həll yollarını tapıb bu proqramı həyata keçirəcəyik”, – deyə o qeyd edib.
Paşinyan proqramdan bir neçə sitat gətirərək qeyd edib:
“İstifadə etdiyimiz üçüncü maddədə konkret olaraq deyilir: “Biz regionda sülh, sabitlik və rifahı təşviq etmək üçün dövlətlərin suverenliyinə, ərazi bütövlüyünə və yurisdiksiyasına əsaslanan daxili ikitərəfli və dövlətlərarası daşımalar üçün iki ölkə, yəni Ermənistan və Azərbaycan arasında kommunikasiyanın açılmasının vacibliyini bir daha təsdiq etdik. Səylər Azərbaycan Respublikasının materik hissəsi ilə Naxçıvan Muxtar Respublikası arasında Ermənistan Respublikasının ərazisindən keçməklə maneəsiz əlaqəni əhatə edəcək ki, bu da Ermənistan Respublikası üçün beynəlxalq və daxili kommunikasiyalar baxımından qarşılıqlı fayda təmin edəcək”.
Dördüncü abzasda deyilir: “Ermənistan Respublikası “Beynəlxalq Sülh və Rifah üçün Tramp Yolu” adlı TRIPP kommunikasiya proqramının Ermənistan Respublikası ərazisində həyata keçirilməsi üçün çərçivəni müəyyən etmək üçün Amerika Birləşmiş Ştatları və qarşılıqlı razılaşdırılmış üçüncü tərəflərlə əməkdaşlıq edəcək. Biz bu məqsədə tez bir zamanda nail olmaq üçün bütün tədbirləri vicdanla görməyə öhdəliyimizi bir daha təsdiq edirik.”
