İsrail Müdafiə Qüvvələri gecə saatlarında İrana hava zərbələri zamanı “Bəsic” qüvvələrinin komandiri Qulamrza Süleymani də hədəf alıb.
Primeinfo.az xəbər verir ki, bu barədə İsrail Müdafiə Qüvvələri məlumat yayıb.
“Tehrana dəqiq zərbə nəticəsində Qulamrza Süleymani məhv edilib”, – deyə məlumatda bildirilib.
Qeyd edilib ki, zərbə endirilərkən Süleymani “Bəsic”in çadır düşərgəsində olub.
Bundan əlavə, “Bəsic” komandirinin müavini və digər yüksək vəzifəli rəsmilərin də öldürüldüyü bildirilir.
