“BMT-nin himayəsi altında keçirilən bu irimiqyaslı forumun təşkilinə görə Azərbaycanı təbrik etmək istərdim”.
Primeinfo.az xəbər verir ki, bunu Bolqarıstan Respublikasının Prezidenti İliyana Yotova Ümumdünya Şəhərsalma Forumunun 13-cü sessiyası (WUF13) çərçivəsində APA-ya eksklüziv müsahibəsində deyib.
Prezident Yotova bildirib ki, dünyanın müxtəlif ölkələrindən bu qədər dövlət və hökumət başçısını, nümayəndələri bir araya toplamaq böyük ambisiya və enerji tələb edir: “Mənim üçün ölkəm Bolqarıstanı WUF13 çərçivəsində keçirilən Liderlər sessiyasında təmsil etmək şərəf idi.
WUF13-də Bolqarıstanın yerli hakimiyyət nümayəndələri, o cümlədən Milli Bələdiyyələr Assosiasiyasının sədri və Veliko Tırnovo şəhərinin meri Daniel Panov da iştirak edirdi. Forum sürətli urbanizasiya çağırışlarının həlli ilə bağlı qabaqcıl təcrübə və ideyaların mübadiləsi üçün əla platformadır”.
