Azərbaycan və Türkiyə enerji əməkdaşlığını neft və təbii qazla məhdudlaşdırmır, elektrik enerjisi sistemlərinin daha sıx inteqrasiyası istiqamətində də işi genişləndirir.
Bakıda Azərbaycan-Türkiyə V Enerji Forumu çərçivəsində Azərbaycanın energetika naziri Pərviz Şahbazov və Türkiyənin energetika və təbii sərvətlər naziri Alparslan Bayraktarın iştirakı ilə 6 İşçi Qrupunun iclası keçirilib.
Sentyabrın 11-də Bakıda Azərbaycanın energetika naziri Pərviz Şahbazov və Türkiyənin energetika və təbii sərvətlər naziri Alparslan Bayraktarın iştirakı ilə Azərbaycan-Türkiyə 5-ci Enerji Forumu keçiriləcək. Energetika Nazirliyindən Primeinfo.az-a verilən məlumata görə, forumda karbohidrogen və neft-kimya, enerji səmərəliliyi, elektrik enerjisi bazarı, bərpa olunan enerji, tənzimləmə, mədənçilik və digər istiqamətlər üzrə müzakirələrin aparılması və Forumun protokolunun imzalanması nəzərdə tutulur. Forumun sonunda mətbuat üçün brifinqin təşkil edilməsi planlaşdırılır.
Azərbaycan və Vyetnamın “ROX Energy Global” şirkəti arasında külək və günəş enerjisi layihələri müzakirə edilib. Energetika Nazirliyindən Primeinfo.az-a bildirilb ki, bu barədə müzakirələr nazir Pərviz Şahbazov “ROX Energy Global” şirkətinin baş icraçı direktoru Pham Minh Tuan ilə görüşündə aparılıb. Görüşdə şirkətlə Azərbaycanda 200 MVt gücündə külək enerjisi layihəsinin həyata keçirilməsi ilə bağlı məsələlər müzakirə edilib.
Energetika Nazirliyində işğaldan azad olunmuş ərazilərdə yaşıl texnologiyaların və enerji səmərəliliyinin tətbiqi ilə bağlı əlaqələndirmə və monitorinq üzrə İşçi Qrupunun 13-cü iclası keçirilib.
Energetika naziri Pərviz Şahbazov “PowerChina Resources Ltd.” şirkətinin prezidenti Yanq Tianfu ilə görüşüb. Nazirlikdən Primeinfo.az-a verilən məlumata görə, görüşdə Azərbaycan ilə “PowerChina” şirkətlər qrupu arasında bərpa olunan enerji sahəsində uğurla inkişaf edən əməkdaşlıqdan məmnunluq ifadə olunub. Şirkətin Azərbaycanda həyata keçirilən yaşıl enerji layihələrində fəal iştirak etdiyi qeyd edilib.
Energetika nazirinin müavini Samir Vəliyev Energetika Nazirliyi yanında İctimai Şuranın üzvləri ilə görüş keçirib. Bu barədə Primeinfo.az-a Energetika Nazirliyindən məlumat verilib. Bildirilib ki, nazir müavini yeni formalaşmış İctimai Şuranın sayca üçüncü tərkib olduğunu qeyd edərək, qarşıdakı fəaliyyət dövründə əməkdaşlığın səmərəli olacağına inamını ifadə edib.
2026-cı ilin yanvar-iyun ayları üzrə operativ məlumatlara əsasən, respublikada 13,3 milyon ton neft (kondensatla birlikdə) hasil edilib. Hasilatın 7,9 milyon tonu “Azəri-Çıraq-Günəşli”nin, 1,7 milyon tonu “Şahdəniz”in, 0,3 milyon tonu “Abşeron” yatağının payına düşüb. SOCAR üzrə neft (kondensatla birlikdə) hasilatı 3,4 milyon ton təşkil edib.
Cari ilin birinci yarısında Energetika Nazirliyi və tabeli qurumlara ümumilikdə 7326 vətəndaş müraciəti daxil olub. Nazirlikdən Primeinfo.az-a bildirilib ki, müraciətlərin 1043-ü məlumat, 6283-ü isə icra xarakterli olub. Bunlardan 5729-u müvafiq qaydada icra edilib, 554 müraciət isə icradadır.
Azərbaycanın Energetika Nazirliyinin enerji səmərəliliyi kampaniyası çərçivəsində influnserin övladı ilə rus dilində danışması və çəkilmiş videonun nazirliyin rəsmi feysbuk hesabında paylaşması birmənalı qarşılanmayıb.
