Тег: gürcüstan

Gürcüstanın azərbaycanlıların yığcam yaşadıqları Marneuli rayonunun mərkəzi bazarında atışma baş verib, ata və oğlu güllələnib.

Azərbaycan və Gürcüstanın xarici işlər nazirləri Ceyhun Bayramovla Maka Botçorişvili arasında telefon danışığı baş tutub. XİN-dən Primeinfo.az-a verilən məlumata görə, nazirlər iki ölkə arasında dostluq və strateji tərəfdaşlıq münasibətlərinin cari vəziyyətini və perspektivlərini müzakirə ediblər. Ölkələrimiz arasında ali və yüksək səviyyədə mövcud siyasi dialoqun, baş tutan intensiv səfərlərin münasibətlərimizin daha da gücləndirilməsinə töhfə verdiyi vurğulanıb.

Gürcüstanın sabiq müdafiə naziri Baço Axalaya barəsində həbs qətimkan tədbiri seçilib. Primeinfo.az xəbər verir ki, qərar Tbilisi Şəhər Məhkəməsinin qapalı keçirilən iclasında qəbul olunub. Bu qərarla Gürcüstan Baş Prokurorluğunun vəsatəti təmin edilib.

Ötən gün saxlanılan Gürcüstanın keçmiş müdafiə naziri Baço Axalayaya qarşı ittiham irəli sürülüb. Primeinfo.az xəbər verir ki, bu barədə Gürcüstanın Baş Prokurorluğundan bildirilib. Axalaya bu ilin oktyabrın 4-də bələdiyyə seçkiləri günündə Tbilisidə Gürcüstan prezidentinin sarayına basqın işi üzrə qrup halında zorakılığın təşkili və ona rəhbərlik etməkdə ittiham olunur.

2026-cı ilin 1 yanvardan etibarən Gürcüstana daxil olan bütün xarici vətəndaşlar ölkədə qaldıqları müddət ərzində qüvvədə olan tibbi sığortaya malik olmalıdırlar. Primeinfo.az xəbər verir ki, bu barədə AZAL məlumat yayıb. Bildirilib ki, qaydalar Gürcüstana turizm, işgüzar və ya tranzit məqsədilə daxil olan bütün xarici vətəndaşlara şamil olunur: “Azərbaycanın milli aviadaşıyıcısı AZAL 1 yanvar 2026-cı il tarixindən sonra Gürcüstana səfər etməyi planlaşdıran sərnişinlərə səyahətə hazırlıq zamanı yeni tələbləri əvvəlcədən nəzərə almağı və uçuşdan öncə tibbi sığortanı rəsmiləşdirməyi tövsiyə edir.

Gürcüstanın keçmiş müdafiə naziri Baço Axalaya saxlanılıb. Primeinfo.az xəbər verir ki, bu barədə Gürcüstanın Dövlət Təhlükəsizliyi Xidmətində keçirilən brifinqdə bildirilib. Qeyd olunub ki, Axalayanın saxlanılması Tbilisidəki 4 oktyabr hadisələri ilə bağlıdır.

Gürcüstanın Prezidenti Mixeil Kavelaşvili Prezident İlham Əliyevə məktub ünvanlayıb. Primeinfo.az xəbər verir ki, məktubda deyilir: “Zati-aliləri, hörmətli cənab Prezident. İcazə verin, doğum gününüz münasibətilə gürcü xalqı adından və öz adımdan Sizə ən səmimi təbriklərimi çatdırım.

Gürcüstanın Baş naziri İrakli Kobaxidze Prezident İlham Əliyevə məktub ünvanlayaraq onu doğum günü münasibətilə təbrik edib.

Gürcüstan parlamenti Korrupsiyaya qarşı Mübarizə Bürosu və Şəxsi Məlumatların Mühafizəsi Xidmətinin ləğvini nəzərdə tutan qanunvericilik layihəsini yekun oxunuşda qəbul edib. Primeinfo.az xəbər verik ki, 78 deputat layihənin lehinə, 1-i isə əleyhinə səs verib. Hər iki dövlət qurumunun fəaliyyəti 2026-cı ilin martın 2-dən etibarən dayandırılacaq, funksiya və səlahiyyətləri Audit Xidmətinə veriləcək.

    Gürcüstan son bir neçə gün ərzində ölkədə miqrasiya qanunvericiliyini pozaraq yaşayan 43 əcnəbini deportasiya edib. Primeinfo.az xəbər verir ki, bu barədə Gürcüstan Daxili İşlər Nazirliyinin Mətbuat xidmətinin məlumatında deyilir. Məlumata görə, Gürcüstandan deportasiya olunan şəxslər Azərbaycan, Banqladeş, Misir, İran, Hindistan, İordaniya, Pakistan, Rusiya, Tacikistan, Türkiyə, Türkmənistan və Efiopiya vətəndaşlarıdır.