“Yerarsx-Sədərək yolunun da blokadadan çıxarılması, açılması lazımdır”.
Primeinfo.az xəbər verir ki, bunu Ermənistan xarici işlər naziri Ararat Mirzoyan deyib.
Nazir bildirib ki, Ermənistan-Türkiyə sərhədinin Yerarsx–Sədərək istiqamətinin də blokadadan çıxarılması vacibdir:
“Bu, ya üzvi başlanğıc, ya da bütün regional infrastrukturun blokdan çıxarılmasının davamı olmalıdır”, – Mirzoyan deyib.
Onun sözlərinə görə, əgər Ermənistanın cənubundan keçən dəmir yolu işə düşərsə, Naxçıvandan keçən dəmir yolunun da fəaliyyətə başlaması məntiqli olardı.
“Əks halda, məntiq sadəcə iflasa uğrayır”, – nazir vurğulayıb.
