Ermənistanın Rusiya ilə münasibətləri, Avropa kursu və Türkiyəylə təmasları regionun əsas müzakirə mövzularından biri olaraq qalır. Primeinfo.az xəbər verir ki, Türkiyənin Avrasiya Araşdırmalar Mərkəzinin (AVİM) son bülletenində Ermənistan ətrafında baş verən proseslərə diqqət çəkilib və Moskva ilə Ankara arasında İrəvana yanaşma fərqləri müqayisə olunub. Materialda ilk növbədə Ermənistanın Avrasiya İqtisadi İttifaqı (Aİİ) ilə münasibətləri və Avropa Birliyinə yaxınlaşması məsələsinə toxunulur.
Türkiyənin Muğla vilayətinin Marmaris rayonunda, Cennet Adası yaxınlığında tur gəmisi batıb. Primeinfo.az xəbər verir ki, 110 nəfərin olduğu gəmi sahil mühafizə qrupları tərəfindən təhlükəsiz şəkildə təxliyə olunub. Hadisə nəticəsində ölən və yaralananların olmadığı bildirilir.
Türkiyənin iç siyasətində baş verənlərə Azərbaycandakı FETÖ möhkəm əsəbiləşib. Ard-arda “demokratiya” kəlməsinə sarılıb statuslar yazırlar, prezident Ərdoğanın adını çəkərək və çəkməyərək onu avtoritarizmdə suçlayırlar.
Ermənistan hökuməti “Tramp marşrutu”nun həyata keçirilməsi üçün Türkiyə və Azərbaycana gedən dəmiryolu xətlərinin yenidən qurulmasını müstəqil şəkildə həyata keçirəcək. Primeinfo.az “Kommersant”a istinadən xəbər verir ki, bunu ölkənin baş naziri Nikol Paşinyan seçicilərlə görüşdə bildirib. Bundan əvvəl Ermənistan hakimiyyəti yolların bərpası ilə bağlı Rusiyaya müraciət etmişdi.
Türkiyə 2028-ci ildə 17 milyon mənzilin mavi yanacaq tələbatını öz təbii qazının hesabına ödəyəcək. Primeinfo.az xəbər verir ki, bunu Türkiyənin energetika və təbii sərvətlər naziri Alparslan Bayraktar “A Haber”in canlı yayımında deyib. “Qara dənizdə 2028-ci ildə üçüncü faza ilə birlikdə təxminən 17 milyon evin təbii qaz ehtiyacını öz qazımızla ödəyəcək vəziyyətə gələcəyik”, – o bildirib.
Türkiyənin Cümhuriyyət Xalq Partiyasının (CHP) 38-ci qurultayında nümayəndələrin səsvermə iradəsinə müdaxilə edildiyi iddiaları ilə bağlı aparılan istintaq çərçivəsində 7 vilayətdə əməliyyat həyata keçirilib. Primeinfo.az “TRT Haber”ə istinadən xəbər verir ki, əməliyyat ümumilikdə İstanbul, Ankara, İzmir, Şanlıurfa, Kahramanmaraş, Kilis və Malatyanı əhatə edib. Əməliyyat zamanı 13 nəfər saxlanılıb.
Türkiyənin Malatya şəhərində 5,6 bal gücündə zəlzələ baş verib. Primeinfo.az xəbər verir ki, yeraltı təkanlar vilayətin Battalqazi rayonunda qeydə alınıb. Türkiyənin Fəlakət və Fövqəladə Halların İdarə Olunması Agentliyinin (AFAD) yaydığı rəsmi məlumata görə, yerli vaxtla saat 09:00-da baş verən zəlzələnin ocağı yerin 7,03 kilometr dərinliyində yerləşib.
Türkiyədə 19 May – Atatürkü Anma, Gənclik və İdman Bayramı qeyd olunur. Primeinfo.az xəbər verir ki, Türkiyənin vilayətlərində, habelə ölkənin xaricdəki diplomatik nümayəndəliklərində bayram tədbirləri və yürüşlər təşkil olunur. Ölkənin gənclər və idman naziri uşaqlar və yeniyetmələrlə birlikdə Türkiyə Cümhuriyyətinin qurucusu Mustafa Kamal Atatürkün məqbərəsini ziyarət edəcək.
Türkiyənin Tekirdağ vilayətinin Çorlu rayonunda silahlı münaqişəyə müdaxilə edən iki polis əməkdaşı baş verən atışmada ağır yaralanıb, şübhəli şəxs isə zərərsizləşdirilib. Primeinfo.az xəbər verir ki, Türkiyə Daxili İşlər Nazirliyi yaralı polislərin xəstəxanada şəhid olduğunu açıqlayıb. Hadisə Çorlu rayonunun Rəşadiyyə məhəlləsi, Kumyol küçəsində yerləşən ticarət mərkəzlərindən birində qeydə alınıb.
Türkiyənin keçmiş xarici işlər naziri Mövlud Çavuşoğlunun qardaşı Aydın Çavuşoğlu 12 gün əvvəl məruz qaldığı silahlı hücumdan sonra dünyasını dəyişib.
