Əfqanıstan hərbçiləri Pakistan sərhədində mövqelərinə hücum ediblər.
Primeinfo.az xəbər verir ki, bu barədə Pakistanın təhlükəsizlik mənbələri məlumat yayıb.
Bildirilib ki, Əfqanıstan döyüşçüləri dövlət sərhədinin 5-6 nöqtəsinə səbəbsiz atəş açıb. Qarşı tərəfə qəti və effektiv cavab verilib və atəş açanlar geri çəkilməyə məcbur olublar.
Toqquşmalar Xeyber-Paxtunxva əyalətinin Kurram rayonunda baş verib. Pakistan qüvvələri iki əfqan nəzarət-buraxılış məntəqəsini məhv edib.
Toqquşma nəticəsində iki Pakistan əsgəri və beş Taliban əsgərinin öldürüldüyü deyilir.
Əfqanıstan tərəfi ölənlərin cəsədlərini ərazidə qoyaraq geri çəkilib.
