“Prezident Administrasiyasının keçmiş rəhbəri, oktyabrın 14-də dövlət çevrilişi ittihamı ilə haqqında həbs qətimkan seçilən Ramiz Mehdiyevin bütün titulları alınacaq”.
Primeinfo.az xəbər verir ki, bu haqda bilgini Prime TV-yə informasiyalı qaynaq verib.
Bildirilir ki, onun təltif edildiyi orden və medalların, o sıradan Azərbaycan Respublikasının ali mükafatı sayılan və dövlət qarşısında xidmətlərə görə verilən “Heydər Əliyev Ordeni”nin, akademik elmi dərəcəsinin alınmasına hazırlıq gedir.
Bundan başqa, yaxın günlərdə Yeni Azərbaycan Partiyasının fövqəladə toplantı keçirərək, Ramiz Mehdiyevi partiya sıralarından çıxaracağı gözlənilir.
