Gülşən Cəlal tarixdə ilk dəfə İraq parlamentinə paytaxt Bağdaddan seçilən türkmən millət vəkili olub. O, noyabrın 12-də keçirilən seçkidə qalib gəlib.
Primeinfo.az yerli mətbuata istinadən xəbər verir ki, seçkinin nəticəsi artıq rəsmən elan edilib.
İraq Türkmən Cəbhəsini Bağdadda təmsil edən Gülşən Cəlalın qələbəsi türkmənlər arasında böyük coşğu yaradıb.
Buna qədər İraq parlamentinə Mosul və Kərkükdən türkmən millət vəkilləri seçilib. Növbəti dönəmdə türkmənləri parlamentdə İraq Türkmən Cəbhəsinin sədri Ərşad Salehi (Kərkük), Züleyha İlyas Bekker (Mosul) və Gülşən Cəlal (Bağdad) təmsil edəcəklər.
