Karlo Ançelottinin oğlu Davide Ançelotti “Botafoqo”da baş məşqçi postunu tərk edir.
Primeinfo.az Komanda.az-a istinadən xəbər verir ki, 36 yaşlı çalışdırıcı cari ilin iyulunda Rio-de-Janeyro təmsilçisinin “sükanı arxasına” keçmişdi. Komanda onun rəhbərliyi altında mövsümü ölkə çempionatında turnir cədvəlinin 6-cı pilləsində başa vurub.
İtaliyalı mütəxəssis klubla müqavilənin müddətini uzatmamaq qərarına gəlib. Onun sözləşməsi bu ayın sonunda başa çatacaq.
Ançelotti “Botafoqo”ya təyinatınadək heç vaxt baş məşqçi kimi çalışmayıb. O, 2012-ci ildən etibarən atası Karlo Ançelottinin rəhbərlik etdiyi bütün komandalarda köməkçi məşqçi olub.
Ata Ançelotti hazırda Braziliya millisinin baş məşqçisi vəzifəsində çalışır.
