Yanğınsöndürənlərin və Xilasedicilərin Beynəlxalq İdman Federasiyasının yarışları gələn il Azərbaycanda keçiriləcək.
Primeinfo.az xəbər verir ki, bu sözləri Bakıda keçirilən Yanğınsöndürənlərin və Xilasedicilərin Beynəlxalq İdman Federasiyasına üzv ölkələrin yanğın-xilasetmə xidmətləri rəhbərlərinin XXVI Beynəlxalq konfransında federasiyanın prezidenti Aleksandr Çupriyan deyib.
Onun sözlərinə görə, federasiya hər il yeni ölkələrin qoşulması ilə daha da genişlənir və güclənir:
“Gələn il çempionatın Azərbaycanda keçirilməsi mühüm hadisədir. Hazırda beynəlxalq federasiyanı üç qitəni təmsil edən 35-ə yaxın ölkə birləşdirir və bu geniş əməkdaşlıq şəbəkəsi bizim əsas gücümüzdür. Düşünürəm ki, idman və işgüzar proqramla yanaşı, biz burada bu gözəl ölkənin ab-havasını, mədəniyyətini, həyat tərzini və ənənələrini də yaxından tanıya biləcəyik. Bu isə əməkdaşlığımızı daha da yaxınlaşdıracaq və gücləndirəcək”.
