Bu gün futbol üzrə Azərbaycan Premyer Liqasında XXVII tura bir oyunla start veriləcək.
Primeinfo.az-ın məlumatına görə, ilk oyun günündə bir matç keçiriləcək.
Çempionatın autsayderi “Karvan-Yevlax” “Kəpəz”i qəbul edəcək.
Qarşılaşma Yevlax şəhər stadionunda, saat 15:30-da start götürəcək. Görüşün baş hakimi Nicat İsmayıllı olacaq.
“Karvan-Yevlax” 8 xalla 12-ci, Gəncə təmsilçisi 21 xalla 10-cu pillədə qərarlaşıb.
Xatırladaq ki, tura aprelin 12-də yekun vurulacaq.
