“İran haqda danışılanlar medalın yalnız bir üzüdür. Digər üz isə İrana qarşı təşkil olunmuş və çoxsaylı aktorların iştirak etdiyi kəşfiyyat fəaliyyətləri, imperialist təxribat və planlardır”.
Primeinfo.az xəbər verir ki, bu sözləri Türkiyənin Milliyyətçi Hərəkat Partiyasının (MHP) sədri Dövlət Bahçeli İranda üçüncü həftədir davam edən ümumxalq etirazları barədə danışarkən deyib.
MHP sədri Güney Azərbaycan türklərinin bu məsələdə mövqeyinə də diqqət çəkib:
“İran türklərinin hadisələrə soyuqqanlı və məsafəli yanaşması çox dəyərli və təqdirəlayiqdir. İran xalqı imperialist layihələr və sifarişlərə imkan verməyəcək”.
