“İndi artıq vəziyyət dəyişib və fürsət yaranıb. Hazırda İran öz hayındadır, bu gün Rusiya Ukrayna cəbhəsində bilmir ki, nə etsin. Bu fürsətdən istifadə edərək biz ölkənin içini təmizləməliyik”.
“Bu gün Polşanın, Baltikyanı ölkələrin, Macarıstanın elə strateji dərinliyi yoxdur ki, 1 milyonluq rus ordusu ilə savaşa bilsin. Amerikalılar belə hesab edirdi ki, ruslar çox asanlıqla Kiyevi işğal edəcək”.
“Ukraynanın rəsmi mövqeyi budur ki, Rusiyaya heç bir ərazi verilməyəcək. Yəni, Ukrayna tərəfi güzəştə getməyəcək. Bəzi ekspertlər hesab edir ki, gedən danışıqlarda Ukrayna nümayəndə heyətinin arasında da fikir ayrılıqları var”.
“Rusiya və İrandan gələn təhdidlər ona görədir ki, onlar bizim hər gün daha da gücləndiyimizi başa düşürlər”.
“Reallıq ondan ibarətdir ki, Azərbaycan və Ermənistan Rusiyadan qurtulmağa çalışır. Rusiya getdikcə zəifləyir və öz təsir imkanlarını itirir. Ümid edirəm ki, Rusiyanın beşinci kolonuna qarşı mübarizə daha ciddi şəkildə gedəcək”.
“Baş verən bu hadisələr sıradan hadisələr deyil və bir gündə meydana çıxan xəyanət deyil. Bütün bunlar uzun illər sistemli işin nəticəsidir. Bu şəbəkəni burada quran Rusiya imperiyasının elə özüdür”.
“Rusiya İranın məğlub olmasını istəmir. Düşünürlər ki, xüsusilə də Venesuelada baş verənlərdən sonra İran da getsə, növbədə Rusiyadır. Ona görə hesab edirəm ki, Rusiya bu savaşda iştirak edəcək”.
“Savaşa hazırlıq gedir və hər iki tərəf ciddi şəkildə buna hazırlaşır. Burada ABŞ güclü tərəfdir, amma o da əmin olmaq istəyir ki, ediləcək hücum uğurlu olacaq və savaşdan qalib çıxacaq”.
“Rusiya İranın məğlub olmasını istəmir. Düşünürlər ki, xüsusilə də Venesuelada baş verənlərdən sonra İran da getsə, növbədə Rusiyadır. Ona görə hesab edirəm ki, Rusiya bu savaşda iştirak edəcək”.
“Bütün hallarda düşünürəm ki, bu hücum İrandakı mövcud rejimin sonu olacaq”. Primeinfo.az xəbər verir ki, bu sözləri Demokratik Dəyişim Platformasının sədri Əli Mustafa Prime TV-nin “Qırmızı masa” verilişində bildirib. “O qədər böyük hərbi qüvvə cəmlənib ki, ondan sonra quru qoşunların da İrana yeridilməsi mümkün ola bilər” – deyə, o əlavə edib.
