İmişli Rayon Ağsaqqallar Şurasının keçmiş sədri Saleh Səmədovun həbs müddəti uzadılıb. Primeinfo.az xəbər verir ki, bu barədə Səbail Rayon Məhkəməsində istintaq orqanı tərəfindən verilən vəsatətə baxılıb. Məhkəmənin qərarı ilə Saleh Səmədov barəsində seçilmiş həbs qətimkan tədbirinin müddəti 3 ay uzadılıb.
Rusiyanın Smolensk Vilayət Məhkəməsi Azərbaycan diasporunun rəhbəri Faiq Əliyev barəsində çıxarılmış 4 illik həbs hökmünü ləğv edib. Primeinfo.az xəbər verir ki, bu barədə məlumatı “Kommersant” nəşri yayıb. Məlumata görə, dekabrın 24-də keçirilən iclasda vilayət məhkəməsi müdafiə tərəfinin şikayətini təmin edərək, işi yenidən baxılması üçün Smolensk şəhərinin Leninski Rayon Məhkəməsinə geri qaytarıb.
Dövlət Gömrük Komitəsi, Bakı Hövsan Beynəlxalq Ticarət Dəniz Limanı və Dövlət Sərhəd Xidmətinin vəzifəli şəxslərinin adlarının hallandığı, 6,4 milyon manatdan artıq aksizsiz tütün qaçaqmalçılığı ilə bağlı istintaq fonunda diqqətlər indi daha bir sensasion məqama yönəlib.
“Kanal 11” internet televiziyasının həbsdə olan rəhbəri Teymur Kərimovun barəsində hökmdən verilən kassasiya şikayətinə baxılıb. Primeinfo.az APA-ya istinadən xəbər verir ki, bu gün Ali Məhkəmədə hakim İlqar Cəfərovun sədrliyi ilə keçirilən prosesdə qərar qəbul olunub. Kassasiya şikayəti qismən təmin edilib.
Azərbaycanda həbsdə olan Vaqif Xaçaturyan xəstəxanaya yerləşdirilib. Primeinfo.az xəbər verir ki, Ədliyyə Nazirliyindən APA-nın sorğusuna cavab olaraq bildirilib ki, 1955-ci il təvəllüdlü (70 yaşlı), hazırda məhkum olan Vaqif Xaçaturyanın səhhətində 22 dekabr 2025-ci il tarixində pisləşmə müşahidə edilib, təngnəfəslik və ürək nahiyəsində ağrıları yaranıb. Ədliyyə Nazirliyinin Tibb baş idarəsinin tibb-sanitariya hissəsinin həkimi tərəfindən ilk həkim yardımı göstərilib və təcili olaraq ambulansla Ədliyyə Nazirliyinin Müalicə müəssisəsinə təxliyə edilib.
Gürcüstanın Dövlət Təhlükəsizliyi Xidmətinin (DTX) keçmiş rəhbəri Qriqol Liluaşvili həbs olunub. Primeinfo.az bu barədə Gürcüstan mediasına istinadən xəbər verir. Gürcüstanın baş prokuroru Giorgi Qvarakidze brifinqdə bildirib ki, Liluaşvili külli miqdarda rüşvət almaqda, “çağrı mərkəzləri”nə himayədarlıqdan əldə olunan vəsaitlərin müxalifətin maliyyələşdirilməsi üçün sərf olunmasında ittiham edilir.
Rusiyada tanınmış şahmatçı Harri Kasparov barəsində “terrorizmə haqq qazandırmaq” ittihamı ilə qiyabi həbs qərarı çıxarılıb. Primeinfo.az xəbər verir ki, bu barədə TASS məlumat yayıb. Bildirilib ki, müvafiq qərar Moskvanın Zamoskvoretski Rayon Məhkəməsi tərəfindən qəbul edilib.
Qayınanasının ölümünü bilib gizlətməkdə təqsirləndirilən qadın azadlığa buraxılıb. Primeinfo.az AZƏRTAC-a istinadən xəbər verir ki, 3 il azadlıqdan məhrum edilən Əfsanə Cəfərova bu gün Penitensiar Xidmətin 4 saylı cəzaçəkmə müəssisəsindən sərbəst buraxılıb. O cəzasının çəkilməmiş 10 ayından azad edilib.
Türkiyədə saxlanılan aktrisa İrem Sak, blogerlər Danla Bilic, Mümine Senna Yıldız və müğənni Aleyna Tilki sərbəst buraxılıb. Primeinfo.az xəbər verir ki, bu barədə Türkiyə mediası məlumat yayıb. Bildirilib ki, türkiyəli məşhurlar tibbi ekspertiza proseduru yekunlaşdıqdan sonra sərbəst buraxılıblar.
Türkiyədə narkotiklərlə mübarizə çərçivəsində aparılan istintaq zamanı narkoloji testdən keçirilən televiziya aparıcısı Ela Rümeysa Cebeci həbs edilib. Primeinfo.az bu barədə “Sabah” qəzetinə istinadən xəbər verir. Bildirilir ki, test nəticəsi müsbət çıxmış Cebecinin məhkəmə ifadəsi alındıqdan sonra o, “narkotik maddə istifadəsini asanlaşdırma” ittihamı ilə həbs edilib.
