Oktyabrın 21-də Zərdab rayonunun Əlicanlı kəndindən daxil olmuş vətəndaş müraciəti ilə əlaqədar polis əməkdaşları həmin ünvanda olublar, müraciət üzrə qanunvericiliyə uyğun olaraq müvafiq tədbirlər görüblər. Primeinfo.az xəbər verir ki, müraciət üzrə araşdırma və izahatların alınması zamanı kənd sakini, özünü fəal “TikToker” kimi təqdim edən Laçın Əsədov tərəfindən əsassız ittihamlar və tələblər irəli sürülərək xidməti fəaliyyətə qəsdən maneə yaradılıb. O, intizama dəvət edilsə də öz fəaliyyətini davam etdirib.
Fransanın keçmiş prezidenti Nikola Sarkozi həbsxanaya salınıb. Primeinfo.az xəbər verir ki, o, həyat yoldaşı Karla Bruni ilə birlikdə evinin qarşısında toplaşan tərəfdarlarını salamlayıb, daha sonra isə onu həbsxanaya aparacaq avtomobilə əyləşib. Nikola Sarkozi Parisin 14-cü bölgəsində, Senanın sol sahilində yerləşən Sante həbsxanasında saxlanılacaq.
Gümrü meri Vardan Qukasyan məhkəmənin qərarı ilə 2 ay müddətinə həbs edilib. Primeinfo.az xəbər verir ki, bu barədə Ermənistan mətbuatı məlumat yayıb. Xatırladaq ki, o, rüşvət almaq ittihamı ilə ötən gün saxlanılmışdı.
Ermənistan Daxili İşlər Nazirliyi Gümrü meri Vardan Qukasyanın saxlanılmasına mane olmağa çalışan vətəndaşların cinayət məsuliyyətinə cəlb oluna biləcəyi barədə xəbərdarlıq edib. Primeinfo.az “Report”-a istinadən xəbər verir ki, bu barədə Ermənistan KİV-ləri məlumat yayıb. Hüquq-mühafizə orqanları şəhər sakinlərini qanunsuz hərəkətlərdən çəkinməyə və istintaq tədbirlərinin aparılmasına mane olmamağa çağırıb.
Mərhum meyxanaçı və şair Nizami Rəmzinin qızı Reyhan Baxşıyeva həbs olunub. Primeinfo.az xəbər verir ki, bununla bağlı bloger Nail Kəmərli məlumat yayıb. O, Reyhanın videosunu yayımlayaraq, yazıb: “Heyf səndən, Reyhan.
Milli Məclisin sabiq deputatı, dövlətə xəyanətdə ittiham olunan Ramiz Mehdiyevin kürəkəni İlham Əliyev paytaxtda yerləşən biznes obyektlərindən aylıq vəsaitləri toplaması ilə yenidən gündəmə gəlib.
Bu ilin yanvar-sentyabr ayları ərzində narkotiklə bağlı məsuliyyətə cəlb edilmiş 79 xarici ölkə vətəndaşından ümumilikdə 936 kq 421,475 qr müxtəlif növ narkotik vasitə və psixotrop maddə və 271,772 qr çətənə bitkisi götürülüb. Primeinfo.az xəbər verir ki, bu barədə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupunun məlumatında deyilir. Qeyd olunub ki, hüquq-mühafizə orqanları tərəfindən narkotik vasitələrin və psixotrop maddələrin qaçaqmalçılıq yolu ilə ölkə ərazisinə gətirilməsi ilə bağlı 193 fakt aşkar edilib.
Yasamal rayonunda ötən gün baş verən silahlı insidentlə bağlı iki nəfər polis əməkdaşları tərəfindən saxlanılıb. DİN-in Mətbuat Xidmətindən Primeinfo.az-a bildirilib ki, oktyabrın 16-da Yasamal rayonu ərazisində əvvəllər Cinayət Məcəlləsinin müxtəlif maddələri ilə məhkum olunmuş iki nəfərin odlu silahdan açılan atəş nəticəsində xəsarət alması barədə polisə məlumat daxil olub. Polis əməkdaşları tərəfindən həyata keçirilən əməliyyat-axtarış tədbirləri nəticəsində hadisəni törətməkdə şübhəli bilinən 36 yaşlı Elgün Cəbrayılov 38 yaşlı Rüfət Həziyev saxlanılıb.
Notarial orqanlara Prezident Administrasiyasının keçmiş rəhbəri Ramiz Mehdiyevə, onun ailə üzvlərinə, ailə üzvlərinin biznes ortaqlarına məxsus daşınar və daşınmaz əmlakın alqı-satqısının dayandırılması ilə bağlı göstəriş verilib.
Müdafiə Nazirliyi tərəfindən həyata keçirilən tədbirlər nəticəsində Nazirliyin “İstirahət evi”nin rəisi mayor İlham Haqverdiyevin qanun pozuntusuna yol verdiyi müəyyən edilib. Primeinfo.az xəbər verir ki, bu barədə Müdafiə Nazirliyindən bildirilib. Bununla bağlı müvafiq istintaq hərəkətlərinin aparılması, hadisəyə hüquqi qiymət verilməsi və qanun çərçivəsində tədbirlərin görülməsi məqsədilə araşdırma materialları aidiyyəti üzrə Hərbi Prokurorluğa təqdim edilib.
