Prime TV-nin “Qırmızı masa” proqramında jurnalist Aygün Muradxanlının bu dəfəki qonaqları – tədqiqatçı alim Nazir Əhmədli və araşdırmaçı jurnalist Heydər Oğuzdur.
“Bütün bunlar formal olaraq artıq rejim dəyişikliyidir. Lakin sadəcə bununla kifayətlənməyəcəklər. Hesab edirəm ki, SEPAH-ı da İran ordusuna birləşdirəcəklər. Eynilə Suriyada, İraqda olduğu kimi eyni prosesi İranda da tətbiq edəcəklər”.
“Cenevrədə gedən danışıqlarda nəticə əldə olunmamasına inanmıram. ABŞ və İsrail ona görə susur ki, İranla müəyyən razılaşmalar əldə etdiklərini etiraf edə bilmirlər. Hesab edirəm ki, İranla müəyyən danışıqlara getdilər və İran da qarşıya qoyulan şərtlərin demək olar ki, hamısını qəbul edib”.
“Amerikanın İranı vurmaq fikri yoxdur, orada qalmaq fikri var. Təbii ki, sonda zərbə endirəcək, amma əsas məqsəd vurmaq deyil, məqsəd Bəsrə körfəzində qalmaqdır”.
“Amerikanın məqsədi Hörmüz boğazında oturmaqdır. Bundan sonra isə İrana təzyiqlər edib, onu ram edib özünün köləsinə çevirməkdir ki, buna da nail olacaq”.
“ABŞ-nin tələbi SEPAH-I tamamilə ləğv etmək, onun korrupsiya yollarını bağlamaqdır”.
“Yeni dünya düzəni qurmaq istəyən dövlətlərin qarşısındakı əsas məsələlərdən biri Xəzər dənizi ilə bağlıdır. Xəzər dənizi uğrunda mübarizə gedəcək”.
“İran gərək bunu başa düşsün ki, bu gün nüfuz dərdi çəkmək vaxtı deyil. İran anlamalıdır ki, bu gün rejimin taleyi, mövcudluğu həll olunur”. Primeinfo.az xəbər verir ki, bu sözləri siyasi şərhçi Heydər Oğuz Prime TV-nin “Qırmızı masa” verilişində bildirib.
“Düşünürəm ki, ABŞ-nin məqsədi tamamilə İran neftinə sahib olmaq və onu öz istədiyi kimi satmaqdır”.
“İstənilən ölkədə 1 milyon insan meydana çıxsa, o dövlətin rəhbəri başını götürüb qaçar. Sən də qaç get də”.
