“Mehdiyev AMEA-da olanda, hətta bağında oturanda parlamentə, ictimai, siyasi, media sahəsinə müdaxilə edə bilərdi, bunun üçün əlində, çox güman, rıçaqları var idi. Amma, ölkədə iqtisadi vəziyyətə müdaxilə imkanlarının olduğunu düşünmürəm. Məmləkətin makro-iqtisadi mənzərəsi isə, yumşaq desəm, ürək açan deyil”.
“Gənclər fermer olmaq, taxıl əkmək və ya çoban kimi mal-qara otarmaq istəmirlər. Çünki bu işdə heç bir perspektiv görmürlər. Əziyyət çox, gəlir yoxdur”.
“Rəqəmsal İnkişaf və Nəqliyyat Nazirliyinin Kollegiyası avtobus marşrutları və metroda sərnişindaşıma üzrə gediş haqqını 20% artırıb. Əvvəllər belə qərarları Tarif Şurası verirdi, indi nazirlik qiymətləri artırıb. Nazirliyin məsuliyyəti öz üzərinə götürməsi yaxşıdır və ümumiyyətlə, Tarif Şurası ləğv edilməlidir”.
“Pullu yol şəhər daxilində olmur. Pullu yol beynəlxalq avtomagistrallarda mümkündür. Bunu hökumət anlasın”.
