Moskva hava limanları dron hücumları təhlükəsi səbəbindən bağlanıb. Primeinfo.az APA-ya istinadla xəbər verir ki bu barədə Rusiya Federal Hava Nəqliyyatı Agentliyi-Rosaviasiya məlumat yayıb. Bildirilib ki, Moskvanın Domodedovo və Jukovski hava limanlarında PUA təhlükəsi ilə əlaqədar təyyarələrin qalxmasına və enməsinə müvəqqəti qadağa qoyulub.
Bakıda saxlanılan Rusiya vətəndaşlarından ibarət dəstə üzvləri barəsində qərar verilib. Primeinfo.az xəbər verir ki, bu barədə APA-ya vəkil Elçin Sadıqov məlumat verib. Məlumata görə, Səbail Rayon Məhkəməsində onlar barəsində olan həbs-qətimkan tədbirinin müddəti 3 ay uzadılıb.
Rusiyanın paytaxtı Moskvaya PUA hücumu olub. Primeinfo.az xəbər verir ki, bu barədə Moskva meri Sergey Sobyanin məlumat verib. Onun sözlərinə görə, Moskva istiqamətində uçan iki pilotsuz uçuş aparatı vurulub.
Bu ilin yanvar-avqust aylarında Azərbaycan 373,4 min ABŞ dolları dəyərində 106,52 ton qoyun əti idxal edib. Primeinfo.az-ın Dövlət Statistika Komitəsinin məlumatları əsasında apardığı hesablamalarına əsasən, bu, 2024-cü ilin eyni dövrünün göstəricisindən dəyər ifadəsində 35 %, kəmiyyət olaraq – 24 % azdır. Hesabat dövründə Azərbaycan Monqolustandan 349,72 min ABŞ dolları dəyərində (bir il əvvəlki göstəricidən 38 % az) 87,43 ton (-38 %), Rusiyadan 18,65 min ABŞ dolları dəyərində (+1 865 dəfə) 18,92 ton (+1 892 dəfə), Yeni Zelandiyadan 4,49 min ABŞ dolları dəyərində (+5,4 %) 0,14 ton (-26 %) və Avstraliyadan 0,53 min ABŞ dolları dəyərində (-62 %) 0,03 ton (-40 %) məhsul alıb.
“Rusiyanın Azərbaycandakı şəbəkəsinə qarşı mübarizə gücləndirilib. Ramiz Mehdiyev olayı da göstərdi ki, bu şəbəkəni boş buraxmaq olmaz. Onlar hətta qiyam, çevriliş də edə bilərlər”.
Rusiyanın Kaluqa vilayətinin Qrabtsevo hava limanında təhlükəsizlik məqsədilə uçuşlar müvəqqəti olaraq məhdudlaşdırılıb. Primeinfo.az xəbər verir ki, bu barədə “Rosaviasiya”nın mətbuat katibi Artem Korenyako məlumat yayıb. Korenyakonun sözlərinə görə, tədbir uçuş təhlükəsizliyini təmin etmək üçün tətbiq edilib.
Azərbaycan tərəfi Rusiya məhsullarının Azərbaycan ərazisindən Ermənistana tranziti üçün Azərbaycan dəmir yollarından istifadənin mümkünlüyünü təsdiqləyib.
Oktyabrın 26-na keçən gecə Rusiya ordusu Kiyevə kütləvi dron hücumu həyata keçirib. Primeinfo.az “RBK Ukraine” saytına istinadən xəbər verir ki, hücum nəticəsində paytaxtda yanğın baş verib, ümumilikdə 26 nəfər xəsarət alıb, onların arasında altı uşaq var. Ukrayna Hərbi Hava Qüvvələrinin məlumatına görə, saat 02:23 radələrində Kiyev istiqamətinə bir qrup “Şahed” tipli kamikadze dronu hərəkət edib.
“Prezident İlham Əliyev hər dəfə çıxışında deyir ki, biz Türk dünyasına, Türk ailəsinə aidik. Bizim başqa ailəmiz yoxdur. Çünki o, bir dövlət başçısı, bu ölkənin yönəticisi kimi hər şeyi daha aydın görür”.
ABŞ-ın Rusiyaya qarşı tətbiq etdiyi genişmiqyaslı sanksiyalara Moskva sərt reaksiya verib. Primeinfo.az bu barədə “CNN Türk”ə istinadən xəbər verir. Məlumata görə, Rusiyanın Təhlükəsizlik Şurasının sədr müavini Dmitri Medvedev bildirib ki, ABŞ “zəvzək sülh səfiri” vasitəsilə Rusiyaya qarşı faktiki olaraq müharibə yoluna qədəm qoyub.
