Türkiyənin Kipr adasındakı hərbi varlığı qırmızı xəttimizdir. Primeinfo.az Report-a istinadən xəbər verir ki, bunu Nyu-Yorkda BMT Baş katibi Antonio Quterreş və Kipr Prezidenti Nikos Xristodulidis ilə görüşdükdən sonra Şimali Kipr Türk Respublikasına qayıdan ölkə başçısı Ərsin Tatar hava limanında keçirdiyi mətbuat konfransında deyib. Ə.Tatar bildirib ki, Kipr adasında problem yalnız “iki dövlət” prinsipi ilə həll oluna bilər.
Türkiyə Prezidenti Rəcəb Tayyib Ərdoğanla ABŞ Prezidenti Donald Tramp arasında görüş çox yaxşı keçib. Primeinfo.az xəbər verir ki, bu barədə Türkiyənin vitse-prezidenti Cevdet Yılmaz deyib. “Deyə bilərəm ki, Türkiyə ilə ABŞ arasında bölgəmizdəki qarşıdurmalardan və müharibələrdən tutmuş qlobal nizamdakı problemlərə, iqtisadi və ticarət məsələlərindən investisiyalardan müdafiə sənayesinə qədər geniş spektrli məsələlərin açıq şəkildə müzakirə edildiyi və xoş niyyət çərçivəsində dəyərləndirildiyi danışıqlar son dərəcə müsbət keçdi”, – o bildirib.
Türkiyə Milli Müdafiə Nazirliyi Azərbaycanı Dövlət Suverenliyi Günü münasibətilə təbrik edib.
