Türkiyə, Gürcüstan və Azərbaycanın Daxili İşlər nazirlikləri (DİN) arasında cinayətkarlığa qarşı birgə mübarizə məsələlərinin müzakirəsi üçün üçtərəfli mexanizmin yaradılması planlaşdırılır.
Primeinfo.az Report-a istinadən xəbər verir ki, bunu Türkiyənin daxili işlər naziri Mustafa Çiftçi “TGRT Haber”ə müsahibəsində deyib.
O bildirib ki, Gürcüstana son səfəri zamanı Türkiyə, Gürcüstan və Azərbaycan arasında üçtərəfli mexanizmin yaradılması təklifini irəli sürüb.
“Yaxın günlərdə onu fəaliyyətə keçirəcəyik”, – nazir qeyd edib.
Xatırladaq ki, M. Çiftçi Gürcüstana səfəri çərçivəsində gürcüstanlı həmkarı ilə cinayətkarlığa qarşı birgə mübarizə məsələlərini müzakirə edib.
