Тег: iran

İran dövlət televiziyasında Azərbaycanın xalq mahnısı “Sarı Gəlin” erməni dilində səsləndirilib.

ABŞ administrasiyası İranın nüvə proqramı ilə bağlı rəsmi Tehranla yenidən birbaşa dialoqa başlamağa hazır olduğunu bəyan edib. Primeinfo.az xəbər verir ki, bu barədə məlumatı Amerika administrasiyasının yüksək vəzifəli nümayəndəsi Morqan Ortaqus açıqlayıb. Onun sözlərinə görə, Vaşinqton rəsmi danışıqlara hazırdır, lakin bunun üçün Tehran birbaşa və mənalı dialoq niyyətini nümayiş etdirməlidir.

İrandan İraqa təbii qazın nəqli tam dayandırılıb. Primeinfo.az xəbər verir ki, bu barədə İraqın Energetika Nazirliyinin məlumatında deyilir. Bildirilib ki, tədarükün dayandırılmasına səbəb İran obyektlərində yaranmış fövqəladə vəziyyətdir və Tehran bu barədə Bağdadı rəsmi şəkildə məlumatlandırıb.

Zəhra Pezeşkian: İranda uşaqların uyğunsuz proqramlara daxil olmasına qarşı yaş təsdiqi sistemi hazırlanır Xarici siyasət 23 dekabr, 2025 11:45 Zəhra Pezeşkian: İranda uşaqların uyğunsuz proqramlara daxil olmasına qarşı yaş təsdiqi sistemi hazırlanır İranda yetkinlik yaşına çatmamışların internetdə uyğunsuz məzmuna daxil olmasının qarşısını almaq üçün yaş təsdiqi sistemi hazırlanır. “Report” xəbər verir ki, bunu İran Prezidenti Məsud Pezeşkianın qızı Zəhra Pezeşkian Bakıda “Rəqəmsal mühitdə uşaqların müdafiəsi: Müasir alətlər və beynəlxalq əməkdaşlıq” mövzusundakı beynəlxalq konfransda deyib. Onun sözlərinə görə, İran qanunvericiliyində onlayn təcavüz, istismar və uşaqların şəxsi həyatının pozulması cinayət hesab olunur: “Yetkinlik yaşına çatmamışların uyğunsuz məzmuna daxil olmasının qarşısını almaq üçün yaş təsdiqi sistemi hazırlanır.

İran əsilli amerikalı Mora Namdar ABŞ dövlət katibinin konsulluq məsələləri üzrə köməkçisi təyin edilib. Primeinfo.az xəbər verir ki, bu barədə “Iran International” məlumat yayıb. Bildirilib ki, iranlı mühacirlərin qızı Namdar dekabrın əvvəllərinə qədər Dövlət Departamentinin Yaxın Şərq üzrə Bürosunda yüksəkvəzifəli məmur vəzifəsində çalışıb.

İran səfiri İsveç Xarici İşlər Nazirliyinə çağırılıb. Primeinfo.az xəbər verir ki, bunu İsveçin XİN rəhbəri Maria Malmer Steneqard AFP-yə açıqlamasında deyib. O bildirib ki, Xarici İşlər Nazirliyi İranda casusluq ittihamı ilə həbs olunan İsveç vətəndaşına ölüm hökmü çıxarılması ilə bağlı məlumatlar alıb.

İran Prezidenti Məsud Pezeşkian ölkənin siyasi elitası ilə keçirdiyi görüşdə xarici siyasət, sanksiyalar və ABŞ ilə münasibətlər barədə sərt bəyanatlar səsləndirib.

İrandan Azərbaycana 24 kiloqramdan çox narkotikin keçirilməsinin qarşısı alınıb. Primeinfo.az-ın məlumatına görə, bu barədə Dövlət Sərhəd Xidməti və Dövlət Gömrük Komitəsinin yaydığı birgə məlumatda bildirilib. Vurğulanıb ki, Dövlət Sərhəd Xidməti və Dövlət Gömrük Komitəsinin əməkdaşları “Horadiz” sərhəd dəstəsinin xidməti ərazisində sərhəd axtarışı və əməliyyat tədbirləri nəticəsində 24 kiloqram 115 qram narkotik vasitənin İrandan Azərbaycana keçirilməsinin qarşısını alıb.

İranın İsfahan əyalətində fabriklərin birində baş verən partlayış nəticəsində doqquz nəfər həlak olub. Primeinfo.az İran mediasına istinadən xəbər verir ki, bu barədə əyalətin fövqəladə hallar idarəsinin rəhbəri Mənsur Şişaforuş bildirib. O deyib ki, yanğın Barhur şəhərindəki Dövlətabad Sənaye Parkında yerləşən elektronika istehsalı fabrikində qeydə alınıb.

İran Prezidenti Məsud Pezeşkian Qazaxıstana rəsmi səfər edib. Primeinfo.az Qazaxıstan Prezidentinin mətbuat xidmətində istinadən xəbər verir ki, Məsud Pezeşkian Astanada Prezident Kasım-Jomart Tokayevlə görüşüb. Görüşdən sonra mətbuata birgə bəyanatlarla çıxış edən Kasım-Jomart Tokayev beynəlxalq aləmdə yüksək nüfuza malik İranın Qazaxıstanın Yaxın Şərqdə etibarlı tərəfdaşı olduğunu vurğulayıb.