İsrail ordusu Qəzzanın cənubundakı Rəfah istiqamətinə aviazərbələr endirib. Primeinfo.az xəbər verir ki, bu barədə “Kan” radiosu məlumat yayıb. Məlumata görə, zərbələr HƏMAS-ın bu gün etdiyi hücumlara cavab olaraq endirilib.
İsrail 30 fələstinlinin meyitini Beynəlxalq Qızıl Xaç Komitəsinə təhvil verib. Primeinfo.az xəbər verir ki, bu barədə İsrail mediası məlumat yayıb. Qeyd edilib ki, HƏMAS dünən 2 israilli girovun meyitini qaytardıqdan sonra, İsrail bu gün 30 fələstinlinin meyitini BQXK-yə təhvil verib.
İsrail Qəzzaya daxil olan humanitar yardımların sayını azaltmağı qərara alıb. Primeinfo.az APA-ya istinadən xəbər verir ki, Misir və Qəzza arasında olan sərhəd keçid məntəqəsi də bağlı saxlanılacaq. İsrailin bu qərarının səbəbinin, HAMAS-ın bütün girovların meyitlərini təhvil verməməsi olduğu bildirilib.
ABŞ Prezidenti Donald Tramp İsrail və HƏMAS hərəkatı arasında müharibənin başa çatdığını bildirib. Primeinfo.az “Reuters”ə istinadən xəbər verir ki, Tramp bu barədə Knessetdə (İsrail parlamenti – red.) jurnalistlərə açıqlamasında bildirib. ABŞ lideri HAMAS-ın Qəzzada münaqişənin nizamlanması planı çərçivəsində hərəkatın təksilah olunmasına razılaşacağına əminliyini ifadə edib.
HAMAS bütün israilli girovları azad edib. Primeinfo.az AFP-ə istinadən xəbər verir ki, 13 nəfər israilli girov Beynəlxalq Qızıl Xaç Komitəsinə təhvil verilib. Qeyd edək ki, bundan əvvəl 7 israilli girov azad edilmişdi.
ABŞ Prezidenti Donald Tramp İsraildə səfərdədir. Primeinfo.az xəbər verir ki, onun təyyarəsi Ben-Qurion hava limanına eniş edib. Hava limanından ABŞ lideri Qüdsə yola düşüb.
“Onlar təyyarə ilə Türkiyəyə yola salınıb”.
Razılaşmaya əsasən, hərbi əməliyyatların 24 saat ərzində dayandırılması və Qəzzada saxlanılan israilli girovların 72 saat ərzində azad olunması nəzərdə tutulur.
Amerika qoşunları keçid dövründə İsrail və HƏMAS arasında atəşkəsə nəzarət etməyi planlaşdırır.
İsrailin Sumud donanmasında saxladığı türkiyəli deputatlar Azərbaycana gəlir. Primeinfo.az xəbər verir ki, bu barədə Türkiyə Xarici İşlər Nazirliyi məlumat yayıb. Bildirilib ki, üç deputat Türkiyəyə gətirilmək üçün Azərbaycana yola salınıb.
