Xarici işlər naziri Ceyhun Bayramov Azərbaycanda səfərdə olan İranın xarici işlər nazirinin müavini Vahid Cəlalzadəni qəbul edib. Primeinfo.az xəbər verir ki, görüş zamanı iki ölkə arasında ikitərəfli və çoxtərəfli əməkdaşlıq gündəliyi, eləcə də regional məsələlər müzakirə olunub. Azərbaycanla İran arasında dost münasibətlərin inkişafında ölkə liderləri arasında təmasların, o cümlədən mövcud siyasi dialoqun və Parlamentlərarası əlaqələrin vacibliyi, ümumi maraq kəsb edən məsələlərin müzakirəsinin əməkdaşlığın genişləndirilməsinə töhfə verdiyi vurğulanıb.
Bu günə olan məlumata görə, Azərbaycan 2020-ci ildən bəri 240 000 hektardan çox çirklənmiş ərazini təmizləyib və 227 000-dən çox mina və partlamamış hərbi sursatı zərərsizləşdirib ki, bu da azad edilmiş ərazilərdə təhlükəsizliyin bərpa edilməsi və yenidənqurma işlərinin aparılması üçün mühüm addımdır. Primeinfo.az xəbər verir ki, bu barədə Azərbaycan xarici işlər nazirinin müavini Elnur Məmmədov X hesabında yazıb. O qeyd edib ki, minatəmizləmə Böyük Qayıdış, icmaların yenidən qurulması və mülki əhalinin müdafiəsi üçün vacib olaraq qalır: “Müharibə bitəndən bəri Azərbaycanda minalardan 400-dən çox insan həlak olub və ya şikəst olub, 1990-cı illərdən indiyədək qurbanların ümumi sayı 3400-dən çox olub.
Rusiyanın Moldovadakı səfiri Oleq Ozerov noyabrın 20-də Xarici İşlər Nazirliyinə çağırılıb və ona Moldova ərazisi üzərində pilotsuz təyyarənin uçuşu ilə bağlı etiraz notası təqdim olunub. Primeinfo.az xəbər verir ki, Ozerov bildirib ki, Moldova rəsmiləri dronun Rusiya istehsalı olduğuna dair heç bir sübut təqdim etməyiblər. Diplomat Rusiyanın pilotsuz təyyarənin uçuşunda iştirakını təkzib edib.
Qırğızıstan və Çin xarici işlər nazirlikləri 2026–2027-ci illər üçün əməkdaşlıq proqramı imzalayıblar. Primeinfo.az xəbər verir ki, bu barədə Qırğızıstan Xarici İşlər Nazirliyinin mətbuat xidməti xəbər verib. Rəsmi səfərlə Qırğızıstanda olan Çinin xarici işlər naziri Van İ qırğız həmkarı Jeenbek Kulubayevlə Strateji dialoqun ilk iclasını keçiriblər.
19 noyabr tarixində Azərbaycan Respublikasının xarici işlər naziri Ceyhun Bayramov ABŞ Dövlət katibinin siyasi məsələlər üzrə müavini Alison Hukeri qəbul edib. XİN-dən Primeinfo.az-a verilən xəbərə görə, görüş zamanı, Azərbaycan-ABŞ ikitərəfli əməkdaşlığının cari vəziyyəti və inkişaf perspektivləri, Azərbaycan-Ermənistan sülh prosesi, eləcə də regional və qlobal təhlükəsizlik məsələləri ətrafında geniş fikir mübadiləsi aparılıb. Avqustun 8-də tarixi Vaşinqton görüşü zamanı əldə edilmiş razılıqlar məmnunluqla xatırlanaraq, iki ölkə arasında strateji tərəfdaşlığın inkişafı istiqamətində birgə səylərin vacibliyi qeyd olunub.
Türkiyə Azərbaycanla münasibətlərini koordinasiya və həmrəylik prinsipləri üzərində formalaşdırır. Primeinfo.az xəbər verir ki, bu barədə Türkiyənin xarici işlər naziri Hakan Fidan ölkə parlamentində çıxışı zamanı deyib. Nazir qeyd edib ki, Azərbaycan və Türkiyə arasındakı əməkdaşlıq həm ikitərəfli, həm də çoxtərəfli platformalarda inkişaf etməkdədir.
Azərbaycan Xarici İşlər Nazirliyi (XİN) Oman Sultanlığını və Latviyanı bu ölkələrin Milli Günü münasibətilə təbrik edib. Primeinfo.az xəbər verir ki, bu barədə XİN-in “X” hesablarında paylaşım edilib. We convey our congratulations to the friendly Sultanate of Oman on the occasion of the National Day, and express our best wishes to its People and the Government.
Azərbaycanın xarici işlər naziri Ceyhun Bayramov Özbəkistanın paytaxtı Daşkənddə keçirilən Mərkəzi Asiya Dövlətləri XİN başçılarının görüşündə bir sıra məqamlara toxunub. Primeinfo.az xəbər verir ki, bu barədə Azərbaycan Xarici İşlər Nazirliyinin sözçüsü Ayxan Hacızadə X hesabında yazıb. XİN rəsmisi nazirin bəyanatında önəm verdiyi məsələləri diqqətə çatdırıb: Azərbaycan qardaş Mərkəzi Asiya dövlətləri ilə əməkdaşlığa xüsusi əhəmiyyət verir; Ölkələrimizi tarixi və mədəni bağlar, ortaq inkişaf hədəfləri, həmçinin bölgəmizdə sülh, sabitlik və rifah üçün ümumi baxış birləşdirir; Müntəzəm yüksək səviyyəli təmaslar etimadı gücləndirir və müttəfiq, strateji tərəfdaşlığımızı daha da yüksəldir; Fəal siyasi və iqtisadi dialoq, hökumətlərarası komissiyalar və yüksək səviyyəli şuralar prioritetlərin müəyyənləşdirilməsində və konkret nəticələrin əldə olunmasında mühüm rol oynayır; Orta Dəhliz və Azərbaycanın limanlara, dəmir yolu və avtomobil yolu infrastrukturuna qoyduğu böyük sərmayələr əlaqəlilikdə əhəmiyyətli rol oynayır; Vaşinqtonda əldə olunmuş, Azərbaycanın əsas hissəsini Naxçıvan Muxtar Respublikası ilə birləşdirən razılaşmalar beynəlxalq daşımalar üçün tranzit imkanlarının genişlənməsinə töhfə verəcək; Enerji sektorunda, o cümlədən karbohidrogenlər və yaşıl enerji sahəsində hərtərəfli əməkdaşlıq; Qarşılıqlı sərmayələrin genişləndirilməsi, birgə müəssisələrin yaradılması və biznesdən-biznesə daha güclü əlaqələrin qurulması, o cümlədən regional və şəhər səviyyəsində tərəfdaşlıqların dəyəri; Azərbaycan xalqlarımız arasında dostluğu möhkəmləndirmək üçün mədəni və təhsil mübadilələrinin, akademik proqramların və gənclər əməkdaşlığının dərinləşdirilməsinə sadiqdir; İnstitusional əməkdaşlıq formatlarının daha da gücləndirilməsinin və beynəlxalq təşkilatlarda mövqelərin əlaqələndirilməsinin əhəmiyyəti; Azərbaycan bütün bölgə üçün sülhün, tərəfdaşlığın və davamlı, firavan gələcəyin irəlilədilməsi məqsədilə Mərkəzi Asiyadakı tərəfdaşları ilə əməkdaşlığa sadiq qalır.
Xarici İşlər Nazirliyi Azərbaycan-Ermənistan sərhədində baş verən mina hadisəsi ilə bağlı paylaşım edib. Primeinfo.az xəbər verir ki, bu barədə nazirlik X hesabında yazıb.
Rumıniya Xarici İşlər Nazirliyi (XİN) Kiyevdə Azərbaycanın səfirliyinin binasının atəşə tutulmasını qətiyyətlə pisləyib.
