İsrailin Baş naziri Benyamin Netanyahu yeni hücum dalğası elan edərək, hərbçilərə “dərhal Qəzza zolağına güclü zərbələr endirməyi” əmr edib. Primeinfo.az xəbər verir ki, bu barədə “Ynet” nəşri məlumat yayıb. Məlumata görə, bu qərardan əvvəl təkcə Rəfahdakı hücum deyil, həm də İsrailin HƏMAS-ın atəşkəs razılaşmasını pozan hərəkətlərinə qəzəblənməsi olub.
İsrail pilotsuz təyyarələri Livanın cənubundakı Haruf şəhərinə hava zərbələri endirib. Primeinfo.az xəbər verir ki, bu barədə İsrail Müdafiə Qüvvələri məlumat yayıb. Bildirilib ki, İsrail Müdafiə Qüvvələri Hizbullahın Radvan Qüvvələrinin tank əleyhinə bölməsinin komandiri Zeyn əl-Abidin Hüseyn Fatunini məhv edib.
ABŞ dövlət katibi Marko Rubio iki günlük səfərdən sonra İsraili tərk edib. Primeinfo.az “Reuters“ə istinadən xəbər verir ki, Rubio ABŞ prezidenti Donald Trampla Qətərin əmiri və baş naziri arasında keçiriləcək görüşdə iştirak etmək üçün Qətərə səfərə yola düşüb.
“Qəzzaya beynəlxalq qüvvələrin yerləşdirilməsi üçün BMT çərçivəsində mexanizm yaradacağıq”.
ABŞ dövlət katibi Marko Rubio sabah İsrailə səfər edəcək. Primeinfo.az xəbər verir ki, bu barədə ABŞ rəsmiləri “The Times of Israel”ə məlumat verib. Səfər bu günün sonunda rəsmi şəkildə elan ediləcək və gündəlikdə Vaşinqtonun Qəzzada sülh planının uğurlu icrası ətrafında müzakirələr var.
İsrail ordusu Qəzzanın cənubundakı Rəfah istiqamətinə aviazərbələr endirib. Primeinfo.az xəbər verir ki, bu barədə “Kan” radiosu məlumat yayıb. Məlumata görə, zərbələr HƏMAS-ın bu gün etdiyi hücumlara cavab olaraq endirilib.
İsrail 30 fələstinlinin meyitini Beynəlxalq Qızıl Xaç Komitəsinə təhvil verib. Primeinfo.az xəbər verir ki, bu barədə İsrail mediası məlumat yayıb. Qeyd edilib ki, HƏMAS dünən 2 israilli girovun meyitini qaytardıqdan sonra, İsrail bu gün 30 fələstinlinin meyitini BQXK-yə təhvil verib.
İsrail Qəzzaya daxil olan humanitar yardımların sayını azaltmağı qərara alıb. Primeinfo.az APA-ya istinadən xəbər verir ki, Misir və Qəzza arasında olan sərhəd keçid məntəqəsi də bağlı saxlanılacaq. İsrailin bu qərarının səbəbinin, HAMAS-ın bütün girovların meyitlərini təhvil verməməsi olduğu bildirilib.
ABŞ Prezidenti Donald Tramp İsrail və HƏMAS hərəkatı arasında müharibənin başa çatdığını bildirib. Primeinfo.az “Reuters”ə istinadən xəbər verir ki, Tramp bu barədə Knessetdə (İsrail parlamenti – red.) jurnalistlərə açıqlamasında bildirib. ABŞ lideri HAMAS-ın Qəzzada münaqişənin nizamlanması planı çərçivəsində hərəkatın təksilah olunmasına razılaşacağına əminliyini ifadə edib.
HAMAS bütün israilli girovları azad edib. Primeinfo.az AFP-ə istinadən xəbər verir ki, 13 nəfər israilli girov Beynəlxalq Qızıl Xaç Komitəsinə təhvil verilib. Qeyd edək ki, bundan əvvəl 7 israilli girov azad edilmişdi.
