Rusiya Prokurorluğu azərbaycanlı bloger Hüseyn Həsənova qarşı çirkli pulların yuyulması işi üzrə ittiham aktını təsdiqləyib. Primeinfo.az xəbər verir ki, bu barədə Moskva Prokurorluğunun mətbuat xidmətindən bildirilib. Qeyd edilib ki, Hüseyn Həsənov Rusiya Cinayət Məcəlləsinin “cinayət törətmək yolu ilə əldə edilmiş vəsaitlərin leqallaşdırılması” maddəsi ilə ittiham olunur.
“Həm Rusiya, həm də Çin tərəfindən hərbi təyyarələrin intensiv şəkildə İrana gəlməsi müharibəyə ciddi hazırlıqdan xəbər verir. Rusiyanın sonuncu Yaxın Şərq qalası İrandır”. Primeinfo.az xəbər verir ki, bu sözləri siyasi şərhçi Bədrəddin Quliyev Prime TV-nin “Qırmızı masa” verilişində bildirib.
Rusiyada meymunçiçəyi xəstəliyinə yoluxma halı qeydə alınıb. Primeinfo.az xəbər verir ki, xəstə virusa ölkə daxilində yoluxub, o, hazırda Moskvanın Domodedovo xəstəxanasında təcrid olunub. Onun tanışı olan kişi də oxşar simptomlarla xəstəxanaya yerləşdirilib, lakin diaqnoz hələ təsdiqlənməyib.
Rusiyanın Orenburq vilayətinin Orsk şəhərindəki Canatalap qəsəbəsi yaxınlığında yüngülmühərrikli təyyarənin qəzaya uğraması nəticəsində 3 nəfər ölüb. Primeinfo.az xəbər verir ki, ilkin məlumata görə, qəzaya uğrayan “Diamond Aircraft” şirkətinin istehsalı olan təyyarə təlim uçuşu həyata keçirirmiş. Onun göyərtəsindəki Sankt-Peterburq Dövlət Mülki Aviasiya Universitetinin iki kursantı və bir pilot həlak olublar.
Azərbaycan ərazisindən keçməklə Ermənistana Rusiya taxılı daşıyan 25 vaqondan ibarət yük qatarı Biləcəri Dəmiryol Stansiyasından yola düşüb.
Rusiyanın Sverdlovsk vilayətinin Alapayevsk şəhərində yaşayan, Rusiya vətəndaşlığı almış azərbaycanlıya xaricilərin saxta qeydiyyata alınması ilə bağlı cinayət işi açılıb və o, mənzilindən məhrum edilib. Primeinfo.az Lent.az-a istinadən xəbər verir ki, ittihama görə, o, 2024 və 2025-ci illərdə 46,6 kvadratmetr sahəsi olan ikiotaqlı mənzilində faktiki olaraq orada yaşamayan doqquz həmvətənini qeydiyyata alıb. Həmin mənzildə eyni zamanda ailəsi ilə birlikdə bir kirayəçi də yaşayırmış.
Rusiya Prezidentinin Xarici Ölkələrlə İnvestisiya və İqtisadi Əməkdaşlıq üzrə Xüsusi Nümayəndəsi Kirill Dmitriyev prezident administrasiyasının üzvləri ilə görüşlər keçirmək üçün ABŞ-a gedəcək. Primeinfo.az xəbər verir ki, Reuters Agentliyin məlumatına görə, Dmitriyev ABŞ administrasiyasının rəsmiləri ilə danışıqlar aparmaq üçün 31 yanvar şənbə günü Mayamidə olacaq. Moskva və Kiyev arasında danışıqların yeni mərhələsi ertəsi gün, 1 fevralda Əbu-Dabidə planlaşdırılır.
Rusiya Ədliyyə Nazirliyi Azərbaycanlı bloqçu Fuad Abbasova məxsus MISRA televiziya layihəsini “xarici agentlər” siyahısına əlavə edib. Primeinfo.az xəbər verir ki, bu barədə Nazirliyin saytında məlumat yerləşdirilib. Qeyd edək ki, bir neçə il əvvəl Fuad Abbasov Rusiyadan 50 il müddətinə deportasiya edilib.
“Hər kəs belə hesab edir ki, Alyaska görüşündə Ukraynanın taleyi həll olunub. Trampla Putin arasında bir razılaşma var. Sadəcə olaraq bu razılaşma mərhələ-mərhələ həyata keçirilməkdədir”.
Rusiya və Ukrayna arasında meyitlərin mübadiləsi prosesi başlayıb. Primeinfo.az xəbər verir ki, bu barədə Rusiya Dövlət Dumasının deputatı Şamsail Səfərəliyev bildirib. Qeyd edək ki, sonuncu belə mübadilə ötən ilin 20 noyabrında baş tutub.
