“Moldova Xarici İşlər Nazirliyi ölkənin Müstəqil Dövlətlər Birliyindən (MDB) ayrılması üçün hüquqi prosedurlara start verib”.
Primeinfo.az xəbər verir ki, bu barədə xarici işlər naziri Mixai Popşoi “Radio Moldova”ya çıqlamasında bildirib.
Nazirin sözlərinə görə, hazırda qurum MDB-nin təsis müqaviləsi, onun əlavələri və Birliyin nizamnaməsinin ləğvi ilə bağlı xüsusi layihə üzərində işləyir:
“Hökumət səviyyəsində bu proseslərin fevralın ortalarına qədər yekunlaşması, daha sonra isə sənədin parlamentin təsdiqinə təqdim edilməsi planlaşdırılır. Bu addımların tamamlanması ilə Moldova rəsmən MDB-nin tərkibindən çıxmış hesab olunacaq”.
Xatırladaq ki, rəsmi Kişineunun bu qərarı Rusiya və bir sıra MDB ölkələri tərəfindən tənqidlə qarşılanıb.
