Тег: pakistan

Azərbaycanın Xarici İşlər Nazirliyi (XİN) Pakistanda törədilən terror aktında çoxsaylı insan ölümü ilə bağlı bu ölkəyə başsağlığı verib.

Pakistanda məscidin yaxınlığında partlayış baş verib. “Geo News”a istinadən xəbər verir ki, hadisə Xeybər-Paxtunxva vilayətində qeydə alınıb. Partlayışın cümə namazı vaxtı baş verdiyi bildirilir.

Türkiyə, Pakistan və Səudiyyə Ərəbistanı arasında 7 avqust 2026-cı ildə imzalanan Məkkə Birgə Müdafiə Sazişi çərçivəsində yaradılan Strateji Siyasi və Müdafiə Komitəsinin ilk toplantısı sabah İstanbulda keçiriləcək. Primeinfo.az xəbər verir ki,toplantıda Türkiyəni xarici işlər naziri Hakan Fidan, milli müdafiə naziri general Selçuk Bayraktaroğlu, Pakistanı Baş nazirin müavini və xarici işlər naziri İshaq Dar, federal müdafiə naziri Xavaca Məhəmməd Asif, Müdafiə Qüvvələri və Quru Qoşunları komandanı marşal Seyid Asim Münir; Səudiyyə Ərəbistanını isə xarici işlər naziri şahzadə Feysəl bin Fərhan Al Səud, müdafiə naziri şahzadə Xalid bin Salman bin Əbdüləziz Al Səud və Baş Qərargah rəisi general Fəyyad bin Hamed Ər-Ruveyli təmsil edəcəklər. Görüşdə regional və beynəlxalq təhlükəsizlik, müdafiə sənayesi əməkdaşlığı, birgə istehsal və elmi tədqiqat, hərbi qüvvələrin qarşılıqlı fəaliyyət imkanlarının artırılması və terrorla mübarizə məsələləri müzakirə olunacaq.

Pakistanın Hayber-Paxtunxva əyalətində Kalaçi polis rəisinin müavini Kifayətullah Marvatın avtomobilinə silahlı hücum edilib. Hadisə Dera-İsmayıl-Xan dairəsindəki Dera-Tank avtomobil yolunda qeydə alınıb. Primeinfo.az “Samaa” nəşrinə istinadən xəbər verir ki, naməlum şəxslərin xidməti maşını atəşə tutması nəticəsində nəqliyyat vasitəsi zədələnərək aşıb.

Pakistanın keçmiş Baş naziri İmran Xan xəstəxanada müayinə olunduqdan sonra həbsxanaya qaytarılıb. Primeinfo.az Geo TV-yə istinadən xəbər verir ki, onun oftalmoloq, kardioloq və terapevt tərəfindən müayinə olunduğu və səhhəti ilə bağlı vəziyyətinin qaydasında olduğu bildirilib. İmran Xan müayinə başa çatdıqdan sonra həbsxanaya qaytarılıb.

Türkiyə, Səudiyyə Ərəbistanı, Misir və Pakistan xarici işlər nazirləri avqustun sonunda İstanbulda görüşəcək. Primeinfo.az xəbər verir ki, bu barədə Türkiyənin xarici işlər naziri Hakan Fidan və onun pakistanlı həmkarı İshaq Darın telefon danışığında bildirilib. Türkiyə mediasının xəbərinə görə, İshaq Dar görüşdə iştirak etmək üçün Hakan Fidanın dəvətini qəbul edib.

Azərbaycanın Xarici İşlər Nazirliyi (XİN) Əfqanıstanı Müstəqillik Günü münasibətilə təbrik edib. Primeinfo.az xəbər verir ki, təbrik mətni XİN-in rəsmi “X” səhifəsində yer alıb. “Əfqanıstanı Milli Günü münasibətilə səmimi təbrik edirik”, – deyə paylaşımda qeyd edilib.

Pakistanın cənub-qərbində keçirilən iki ayrı hərbi əməliyyat nəticəsində 17 silahlı öldürülüb, bir neçə nəfər isə yaralanıb. Primeinfo.az-ın Pakistanın APP agentliyinə istinadən verdiyi məlumata görə, Bəlucistan əyalətinin Xuzdar rayonundakı Şor Barud dağlıq ərazisində keçirilən əməliyyatda 10 silahlı öldürülüb. Eyni əyalətin Lajay bölgəsində aparılan digər əməliyyatda isə 7 silahlı məhv edilib.

Türkiyə, Səudiyyə Ərəbistanı və Pakistan “Məkkə sazişi” adlandırılan yeni üçtərəfli müdafiə sazişini imzalayıblar.

Türkiyə, Səudiyyə Ərəbistanı və Pakistan bu gün Səudiyyə Ərəbistanında ortaq müdafiə sazişi imzalayacaq. Primeinfo.az xəbər verir ki, bu barədə Anadolu Agentliyi təhlükəsizlik mənbələrinə istinadən məlumat yayıb. Məlumata görə, Türkiyə Prezidenti Rəcəb Tayyib Ərdoğan bu gün birgünlük işgüzar səfərlə Səudiyyə Ərəbistanına yollanıb.