Dünya səviyyəli DJ Lia Lisse Bakıya gələcək. O, mayın 22-də saat 23:30-da “Park Cinema Flame Towers” filialında keçiriləcək “Horror Night Party” gecəsində çıxış edəcək.
Primeinfo.az-a bu barədə kinoteatrdan məlumat verilib.
Bildirilib ki, Lia Lisse bu xüsusi gecə ilə bağlı sosial şəbəkələrdə videoçağırış da edib və tədbirə Bakı əhalisini şəxsən dəvət edib:
“Bu gecə üçün kinoteatr bağlanaraq tamamilə fərqli konseptə çevriləcək — məkan əsl gecə klubuna transformasiya olunacaq və Lia Lisse eksklüziv seti ilə gecənin ritmini idarə edəcək”.
Bununla yanaşı qonaqları kult horror personajları ilə immersiv şou, film nümayişi, barmen performansı, Go-Go dancers və “Blade” stilində qurulmuş immersiv gecə atmosferi gözləyir.
“Bu, Bakıda ilk dəfə keçirilən belə formatda gecə tədbiridir”, – deyə məlumatda qeyd olunub.
Biletləri buradan əldə edə bilərsiniz:
