“Zakir İbrahimov 30 ilə yaxındır sükan arxasındadır. Bu yol onun üçün məsuliyyət və fəxrdir”. Primeinfo.az xəbər verir ki, bu barədə “Azərbaycan Dəmir Yolları” QSC (ADY) məlumat yayıb.
AZCON Holding şirkətlərindən olan “Azərbaycan Dəmir Yolları” QSC-nin (ADY) sədri Rövşən Rüstəmov Dünya Bankının (DB) Avropa və Mərkəzi Asiya regionu üzrə infrastruktur direktoru Çarlz Kormyenin başçılıq etdiyi nümayəndə heyəti ilə görüşüb. “Azərbaycan Dəmir Yolları” QSC-dən Primeinfo.az-a verilən məlumata görə, görüşdə ADY ilə DB arasında əməkdaşlığın mövcud vəziyyəti, münasibətlərin genişləndirilməsinin əhəmiyyəti müzakirə olunub, Dünya Bankının Bakı Beynəlxalq Dəniz Limanının 2-ci mərhələsi üzrə işlərdə iştirakı, həyata keçirilən işlərə texniki dəstəyi və investisiya ayrılması imkanları barədə fikir mübadiləsi aparılıb. ADY sədri bildirib ki, son dövrdə Orta Dəhlizlə xüsusilə konteyner daşımaları artıb, 2025-ci ildə Çin–Azərbaycan istiqamətində yükdaşımalar üzrə müsbət dinamika qeydə alınıb.
“Euronews” telekanalı yeni Gəncə-Qəbələ-Gəncə marşrutu ilə bağlı yazı hazırlayıb. Primeinfo.az xəbər verir ki, materialda “Azərbaycan Dəmir Yolları” QSC-nin (ADY) yeni marşrutunun şəhərlərarası mobilliyə müsbət töhfə verməsi; müasir qatarlarla qısalan səyahət müddəti və tətbiq olunan sərfəli tariflər; Bakıdan Qəbələyə getmək istəyən sərnişinlərə Ləki stansiyasında transfer imkanının yaradılması və digər mühüm məlumatlara yer ayrılıb. Sözügedən materialı təqdim edirik: https://www.euronews.com/travel/2026/01/20/azerbaijan-launches-new-train-connecting-historic-ganja-with-the-ski-resort-town-of-gabala Sabahınız xeyir, dəyərli həmkarlar.
Ötən il ərzində ADY-nin rayonlararası qatarları ilə ən çox səyahət edən sərnişin Jalə Ələkbərova olub. Primeinfo.az xəbər verir ki, bu barədə ADY məlumat yayıb. Bildirilib ki, uşaq musiqi məktəbinin müəlliməsi olan Jalə Ələkbərova 2025-ci ildə 144 dəfə Gəncə-Qovlar istiqamətində və geriyə səfər edib.
“Azərbaycan Dəmir Yolları” QSC (ADY) rəhbərliyi 20 Yanvar – Ümumxalq Hüzn Günü ilə əlaqədar Şəhidlər xiyabanını ziyarət edib. Primeinfo.az bu barədə ADY-yə istinadən xəbər verir. Bildirilib ki, Azərbaycanın müstəqilliyi və ərazi bütövlüyü uğrunda canlarından keçmiş qəhrəman Vətən övladlarının məzarları üzərinə qərənfillər düzülüb, şəhidlərimizin əziz xatirəsi dərin ehtiramla yad edilib.
21 yanvar tarixindən etibarən Abşeron dairəvi dəmir yolu marşrutu üzrə qatarların hərəkət cədvəlində dəyişikliklər ediləcək. Bu barədə Primeinfo.az-a ADY-dən məlumat verilib. Yeni hərəkət cədvəlinə əsasən, iş günlərində qatarlar 96 reys yerinə yetirəcək.
“Azərbaycan Dəmir Yolları” QSC-nin sədr müavini İqbal Əli oğlu Hüseynov vəzifəzindən azad edilib. Primeinfo.az-ın əldə etdiyi məlumata görə, bununla bağlı müvafiq Sərəncam imzalanıb. İ.Hüseynov müxtəlif vəzifələrdə çalışıb, 2004-2010-cu illərdə Azərbaycan Dövlət Dəmir Yolunun iqtisadi məsələlər üzrə rəis müavini, 2010-2026-cı illərdə “Azərbaycan Dəmir Yolları” QSC-nin sədr müavini vəzifələrində çalışıb.
“Azərbaycan Dəmir Yolları” QSC (ADY) ölkə ərazisində müşahidə olunan qeyri-sabit hava şəraiti ilə əlaqədar olaraq, hərəkətin təhlükəsizliyinin təmin edilməsi, sərnişinlərin mənzil başına təhlükəsiz çatdırılması məqsədilə gücləndirilmiş iş rejimində fəaliyyət göstərir. ADY-dən Primeinfo.az-a verilən məlumata görə, Qatarların sürət həddi hava şəraitinə uyğun olaraq tənzimlənir. Bu səbəbdən qrafikdən qismən kənara çıxma halları müşahidə oluna bilər.
“Azərbaycan Dəmir Yolları” QSC (ADY) 2025-ci ildə ölkədaxili marşrutlar və Abşeron dairəvi dəmir yolu ilə 10 milyondan çox sərnişin daşıyıb. Bu barədə Primeinfo.az-a ADY-dən məlumat verilib. Məlumata görə, bu, 2024-cü illə müqayisədə 20 % çoxdur.
AZCON Holding şirkətlərindən olan ADY-nin Bakı Beynəlxalq Dəniz Limanında ötən il 100 min TEU konteynerdən çox yük aşırılaraq limanın tarixində rekord göstəriciyə imza atılıb. Primeinfo.az xəbər verir ki, bu barədə ADY məlumat yayıb. Bildirilib ki, limanın ADY-yə intreqasiya edildiyi 2024-cü illə müqayisədə 2025-ci ildə müvafiq göstəricidə 40 faizə yaxın artım qeydə alınıb.
