Bakının Sabunçu rayonunda yerləşən tibb müəssisələrinin birində anadangəlmə yuxarı ətrafları (qolları) olmayan körpə dünyaya gəlib. Primeinfo.az “Unikal”a istinadən xəbər verir ki, doğuşdan sonra körpənin anası övladından rəsmi şəkildə imtina edib. Əmək və Əhalinin Sosial Müdafiəsi Nazirliyinin tabeliyində fəaliyyət göstərən Sosial Xidmətlər Agentliyi faktı təsdiqləyib.
Naxçıvan Muxtar Respublikasının Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu tərəfindən sentyabr ayının pensiya ödənişi başa çatdırılıb. Bu barədə Primeinfo.az-a ƏƏSMN-dən məlumat verilib. Qeyd olunub ki, vətəndaşlar pensiyalarını bank kartları vasitəsilə müvafiq bankların bankomatlarından əldə edə bilərlər.
Bu ilin əvvəlindən əmək qanunvericiliyinə edilmiş son dəyişiklikliyə əsasən uşağının doğulması ilə əlaqədar kişilərə 14 təqvim günü ödənişli məzuniyyət verilir. Əmək və Əhalinin Sosial Müdafiəsi Nazirliyindən Primeinfo.az-a verilən məlumata görə, artıq 415 işəgötürən tərəfindən 1126 işçiyə uşağının doğulması ilə bağlı 14 təqvim günü müddətində ödənişli atalıq məzuniyyəti verilib. Qeyd olunub ki, bu məzuniyyət uşağın doğulmasından əvvəl və sonrakı dövrləri əhatə edir.
Əmək müqaviləsi ilə çalışan işçilər əmək və gələcək pensiya hüquqlarına sahib olurlar.
Kəlbəcər rayonunda ilk dəfə əmək yarmarkası keçiriləcək.
Əməyin təhlükəsizliyi sahəsi üzrə növbəti 20 yeni dövlət standartı təsdiq edilib Primeinfo.az xəbər verir ki, Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin sədrliyi ilə fəaliyyət göstərən “Əmək sahəsində” standartlaşdırma üzrə Texniki Komitənin (AZSTAND/TK 21) 2026-cı il üzrə Fəaliyyət Planına əsasən hazırlanmış və əməyin təhlükəsizliyi sahəsini əhatə edən növbəti 20 yeni standart Azərbaycan Standartlaşdırma İnstitutunun müvafiq qərarı ilə dövlət standartı kimi qəbul edilib. Yeni standartlar iş yerlərində əməyin mühafizəsinin gücləndirilməsi, peşə risklərinin azaldılması, işçilərin sağlamlığının və təhlükəsizliyinin təmin edilməsi, habelə fərdi mühafizə vasitələrinə dair müasir tələblərin tətbiqinin genişləndirilməsi baxımından mühüm əhəmiyyət daşıyır. Təsdiq edilən standartlar gözün lazer şüalanmasından və eşitmə orqanlarının səs-küydən qorunması, hündürlükdən yıxılmaya qarşı fərdi mühafizə vasitələri, başın mühafizəsi, kimyəvi və radioaktiv maddələrdən qoruyucu geyimlər, elektrostatik təsirlərdən mühafizə, tənəffüs orqanlarının qorunması, eləcə də xüsusi qoruyucu ayaqqabılar və onların komponentləri üzrə tələbləri əhatə edir.
Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi tərəfindən 2026-cı ilin ötən dövründə 89 uşaq övladlığa verilib. Bu barədə Primeinfo.az-a Əmək və Əhalinin Sosial Müdafiəsi Nazirliyindən məlumat verilib. Bildirilib ki, onlardan 45-i qız, 44-ü oğlandır.
Əmək qanunvericiliyinə əsasən, işçinin ezamiyyətə göndərilməsi zamanı onun bir sıra əmək və sosial təminatları qorunur. Bu barədə Primeinfo.az-a Dövlət Əmək Müfəttişliyi Xidmətindən məlumat verilib. Bildirilib ki, işçi ezamiyyətdə olduğu müddətdə, o cümlədən yolda olduğu vaxt ərzində onun əsas iş yeri (vəzifəsi) və orta əməkhaqqı saxlanılır.
Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu tərəfindən bu gün avqust ayının müavinət, təqaüd və ünvanlı dövlət sosial yardımları ödənilib. Bu barədə Primeinfo.az-a nazirlikdən məlumat verilib. Bildirilib ki, fond bu ayın bütün sosial ödənişlərini başa çatdırıb.
Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu (DSMF) respublika üzrə avqust ayının pensiya ödənişini yekunlaşdırıb. Bu barədə Primeinfo.az-a nazirlikdən məlumat verilib. Bildirilib ki, Avqustun 14-də Bakı, Sumqayıt şəhərləri və Abşeron rayonunda, habelə Naxçıvan Muxtar Respublikasında, bu gün isə ölkəmizin bölgələrində qeydiyyatda olan şəxslərin avqust ayı üzrə pensiyaları, habelə güzəştli şərtlərlə təyin edilmiş pensiyalar ödənilib.
