TRIPP layihəsində müxtəlif tərəflər var, əsas danışıqlar isə Ermənistan və ABŞ arasında keçirilir.
Primeinfo.az xəbər verir ki, bunu xarici işlər naziri Ceyhun Bayramov jurnalistlərə açıqlamasında deyib.
Nazir bildirib ki, ABŞ-dan olan tərəfdaşlar Azərbaycanı mütəmadi məlumatlandırır: “Bu çox təbiidir. Çünki Azərbaycanın iştirakı olmadan bu layihənin icrası mümkünsüzdür. Bizə verilən məlumat ondan ibarətdir ki, işlər davam etdirilir. Fiziki işlərin başlanması 2027-ci ilə keçiriləcək. Biz hesab edirik ki, bu layihə nə qədər tez həyata keçirilsə, bir o qədər yaxşıdır. Bunun tək Azərbaycana deyil, Ermənistana və regionun digər dövlətlərinə faydası var”.
Nazirin sözlərinə görə, Azərbaycan öz üzərinə düşən işləri, o cümlədən Ermənistan sərhədi istiqamətində dəmir yolu və avtomobil yolları üzrə işləri davam etdirir.
