İranın keçmiş Ali Rəhbəri Ayətullah Seyid Əli Xamneyi vida mərasimindən sonra Məşhəd şəhərində dəfn olunacaq.
Primeinfo.az-ın məlumatına görə, Tehran Şəhər Bələdiyyəsi sədrinin müavini Məhəmmədəmin Tovəkkolizadə bildirib ki, iyunun ortalarında İranın keçmiş Ali Rəhbəri ilə vida mərasimi üçün 3 günlük proqram hazırlanır.
O bildirib ki, Tehranda keçiriləcək vida mərasiminin bir gün davam edəcəyi gözlənilir, bundan sonra Xamneyinin nəşi Qum şəhərinə, daha sonra isə Məşhədə aparılacaq.
Sədr müavini Tehranda vida mərasimində 15-20 milyon insanın iştirak edəcəyinin gözlənildiyini vurğulayıb.
Məhəmmədəmin Tovəkkolizadə qeyd edib ki, İranın keçmiş Ali Rəhbəri vəsiyyətinə uyğun olaraq, Məşhəddə İmam Rza türbəsində dəfn olunacaq.
Xatırladaq ki, Seyid Əli Xamneyi 28 fevralda ABŞ və İsrailin Tehrana birgə hücumu zamanı yaxın ailə üzvləri ilə birlikdə öldürülüb. Daha sonra onun yerinə oğlu Müctəba Xamneyi seçilib.
