Türkiyənin Millətçi Hərəkat Partiyasının (MHP) lideri Devlet Bahçelinin uşaqla dialoqu gündəm olub.
Primeinfo.az Globalinfo.az-a istinadən xəbər verir ki, bu barədə sosial mediada görüntülər yayılıb.
Kadrlarda bir uşaq MHP liderinin qarşısında şeir söyləyir:
“Kurt uykudan uyanmış
Ulumaya başlamış
Uçak olup uçalım, uzak yerlere kaçalım
Auuuuuuuu”.
Uşağın sözlərindən sonra Baxçalı gülümsəyərək belə cavab verib:
“Niyə qaçırsan, övladım? Buranı dəyişdir, ülkücülər qaçmaz”.
Qısa dialoq sosial mediada sürətlə yayılaraq istifadəçilər arasında maraqlı müzakirələr yaradıb.
Qeyd ki, “ülkücü” Türkiyədə türk milliyyətçiliyi ideologiyasını mənimsəyən, əsasən Milliyyətçi Hərəkat Partiyası (MHP) və Ülkü Ocaqları hərəkatı ilə əlaqələndirilən şəxslərə deyilir.
“Bozqurd” simvolu da ülkücü hərəkatın əsas rəmzlərindən hesab olunur.
