Bu gün futbol üzrə Türkiyə Superliqasında IX tura yekun vurulacaq.
Primeinfo.az xəbər verir ki, turun bağlanış oyunu İstanbul derbisi ilə əlamətdar olacaq.
Prinsipial qarşılaşmada “Qalatasaray” və “Fənərbaxça” komandaları üz-üzə gələcəklər. “Rams Park” stadionunda keçiriləcək görüş Bakı vaxtı ilə saat 22:30-da başlayacaq. Matçı Atilla Karaoğlan idarə edəcək.
Turnir cədvəlində “Qalatasaray” 19 xalla 2-ci, “Fənərbaxça” isə 16 xalla 3-cü pillədə qərarlaşıb.
Qeyd edək ki, günün digər matçlarında “Beşiktaş” “başakşəhər”i, “Rizəspor” isə “Trabzonspor”u qəbul edəcək.
