Qəzzada İsrailin hərbi əməliyyatları nəticəsində ölənlərin sayı 72 min 939 nəfərə çatıb, 172 min 927 nəfər isə yaralanıb. Primeinfo.az bu barədə Qəzza Səhiyyə Nazirliyinə istinadən xəbər verir ki,son 24 saat ərzində bir nəfər həlak olub, daha 8 nəfər yaralanıb. Qeyd olunub ki, bir sıra qurbanların meyitləri hələ də dağıntılar altında və küçələrdə qalıb.
Əfqanıstanın şərqində Pakistan sərhədindən qayıdan əfqan qaçqınlarını daşıyan yük maşınının aşması nəticəsində azı 18 nəfər ölüb, 35 nəfər yaralanıb. Ölənlər arasında 10 uşaq və 5 qadın olduğu bildirilir. Primeinfo.az “Reuters“-a istinadən xəbər verir ki, hadisə Ləğman vilayətində, Kabil ilə Nəngərharı birləşdirən əsas magistral yolda baş verib.Vilayət qubernatorunun sözçüsü Əbdül Malik Niazai bildirib ki, yaralılar dərhal Nəngərhar xəstəxanalarına yerləşdirilib.
Pakistanın Bəlucistan əyalətində hərbçiləri daşıyan qatar keçərkən dəmir yolu yaxınlığında bomba partlayıb, azı 24 nəfər ölüb, 50 nəfər yaralanıb. Primeinfo.az Agence France-Presse Agentliyinə istinadən xəbər verir ki , hadisə bu gün Kvetta şəhərində baş verib. Partlayıcı qurğu qatarın son dayanacağına təxminən 1 kilometr qalmış işə düşüb.
