30 yol sahəsində təmir işləri yekunlaşdırılıb.
Azərbaycan Avtomobil Yolları Dövlət Agentliyindən (AAYDA) Primeinfo.az-a verilən məlumata görə, 20-yə yaxın küçə və prospektdə isə təmir işləri davam etdirilir.
Bildirilib ki, Bakı şəhərində genişmiqyaslı təmir proqramı icra olunur. Belə ki, proqram çərçivəsində paytaxtın bütün inzibati rayonlarını əhatə edən 110 küçə və prospektdə təmir işlərinin aparılması nəzərdə tutulub.
Qeyd edilib ki, təmir işləri mərhələli şəkildə nəzərdə tutulan bütün ünvanlarda həyata keçiriləcək.
