Türkiyənin Şanlıurfa vilayətində 5,4 maqnitudalı zəlzələ olub.
Primeinfo.az xəbər verir ki, bu barədə Türkiyə Fövqəladə Halların İdarə olunması Agentliyi (AFAD) “X” sosial media hesabında məlumat yayıb.
Məlumata görə, zəlzələ Qaziantep, Şanlıurfa, Elazığ, Malatya və Diyarbəkirdə hiss edilib.
Zəlzələni hiss edən sakinlər təcili evlərini, iş yerlərini, xəstəxanaları tərk edərək açıq sahələrə toplaşıblar.
Zəlzələ ocağı 7,39 kilometr dərinlikdə olub.
