Qazaxıstanda yeni yüksək vəzifəli təyinat həyata keçirilib. Primeinfo.az Modern.az-a istinadən xəbər verir ki, Prezident Kasım-Jomart Tokayev Asel Janasovanın Baş nazirin müavini – nəqliyyat naziri təyin edilməsi barədə fərman imzalayıb. O, bu vəzifədə Nurlan Sauranbayevi əvəz edib.
Qazaxıstanın qərbində – Atırauda dövlət çevrilişinin qarşısı alınıb, 10 nəfər saxlanılıb. Primeinfo.az xəbər verir ki, bu barədə Qazaxıstan Milli Təhlükəsizlik Komitəsi məlumat yayıb. Məlumata görə, cinayətkar qruplaşma üzvləri Qazaxıstanın qərb bölgəsində konstitusiya quruluşunun əsaslarını zorakılıqla dəyişdirməyi hədəfləyiblər.
Azərbaycanın Qazaxıstandakı səfirliyi bu ölkədə keçirilən güləş üzrə dünya çempionatında finala vəsiqə qazanan idmançılarımıza uğurlar arzulayıb. Primeinfo.az xəbər verir ki,bu barədə Azərbaycanın Qazaxıstandakı səfirliyinin “X” sosial şəbəkə hesabında məlumat paylaşılıb. “Güləşçilərimiz Eldəniz Əzizli və Sənan Süleymanov hazırda Qazaxıstanda keçirilən Dünya Güləş Çempionatında parlaq qələbələr qazanaraq finalda yerlərini təmin ediblər!” – paylaşımda deyilir.
Qazaxıstanda saxlanılan azərbaycanəsilli rusiyalı reper Navai (Nəvai Bəkirov) Qazaxıstanın istintaq təcridxanasından girov müqabilində azadlığa buraxılıb. Primeinfo.az xəbər verir ki, bu barədə Rusiya mediası məlumat yayıb. Bildirilib ki, Navai artıq təyyarə ilə Rusiyaya uçub.
Sayat İsanov Qazaxıstan Silahlı Qüvvələrinin Xüsusi Əməliyyat Qüvvələrinin komandanı təyin edilib. Primeinfo.az “Akorda”ya istinadən xəbər verir ki, müvafiq sərəncamı Qazaxıstan Prezidenti Kasım-Jomart Tokayev imzalayıb. “Dövlət başçısının sərəncamı ilə İsanov Sayat Serikkazıyeviç Qazaxıstan Respublikası Silahlı Qüvvələrinin Xüsusi Əməliyyat Qüvvələrinin komandanı təyin edilib”, – məlumatda bildirilib.
Qazaxıstan Prezidenti Qasım-Jomart Tokayev ölkənin yeni müdafiə nazirini təyin edib. Primeinfo.az xəbər verir ki, bu barədə Qazaxıstan Prezidentinin mətbuat xidməti məlumat yayıb. Mırzaxmetov Aydos Sakenoviç Qazaxıstan Respublikasının müdafiə naziri təyin edilib.
Qazaxıstan Prezidenti Kasım-Jomart Tokayev Müdafiə Nazirliyində kompleks yoxlamaların həyata keçirilməsi məqsədilə xüsusi komissiya formalaşdırıb.
Qazaxıstan Müdafiə Nazirliyinin 5 vəzifəli şəxsi saxlanılıb. Primeinfo.az xəbər verir ki, bu barədə “Kazinform” məlumat yayıb. Məlumata görə, onlar Xəzər dənizində 14 hərbçinin ölümü ilə bağlı saxlanılıb.
Qazaxıstanın Manqistau vilayətində hərbi təlimlər zamanı güclü dalğa 19 hərbçini dənizə sürükləyib, onlardan 9-u ölüb.
Manqistau vilayətində xidməti vəzifələrini yerinə yetirərkən hərbi qulluqçuların həlak olmaları ilə əlaqədar sentyabrın 25-də Qazaxıstanda ümummilli matəm elan edilib. Primeinfo.az Akordaya istinadən xəbər verir ki, müvafiq sərəncamı Qazaxıstan Prezidenti Kasım-Jomart Tokayev imzalayıb. Daha əvvəl Qazaxıstanın Müdafiə Nazirliyi bildirmişdi ki, Xəzər dənizi sahilində Hərbi Dəniz Qüvvələrinin təlimləri zamanı meteoroloji şəraitin kəskin pisləşməsi və küləyin güclənməsi nəticəsində 19 hərbi qulluqçu dənizə düşüb.
