Azərbaycan Yerüstü Nəqliyyat Agentliyi (AYNA) tərəfindən “Gəncə KOB evi”ndə sahibkarlıq subyektlərinə xidmətlərin göstərilməsinə başlanılıb. Bu barədə Primeinfo.az-a AYNA-dan məlumat verilib. Agentliyin əməkdaşları “Gəncə KOB evi”ndə daşıyıcıların müraciətləri əsasında mövcud qanunvericiliyin tələblərinə uyğun olaraq, “İcazə” blankları, rəqəmsal taxoqraf kartları, “Fərqlənmə nişanı” və “Xüsusi fərqlənmə nişanı”nın verilməsi kimi xidmətlər göstərirlər.
Nəqliyyat sahəsində xidmət keyfiyyətinin artırılması, həmçinin daşımalar üzrə göstəricilərin standartlara uyğunlaşdırılması məqsədilə Azərbaycan Yerüstü Nəqliyyat Agentliyi (AYNA) tərəfindən Naxçıvanda taksi və beynəlxalq yük daşımaları fəaliyyəti ilə məşğul olan sürücülər üçün təlimlərə başlanılıb. Primeinfo.az xəbər verir ki, təlimlərə 350-dən çox taksi sürücüsü, 100-ə yaxın beynəlxalq yük daşımaları fəaliyyəti ilə məşğul olan sürücü və 120-ə yaxın taxoqraf istifadəçisi cəlb olunub. Təlim prosesində taksi sürücülərinə etik davranış və avtomobil nəqliyyatı ilə sərnişin daşımalarını tənzimləyən normativ hüquqi aktlar barədə məlumat verilir, yollarda təhlükəsizliyin təmin edilməsi istiqamətində praktiki dərslər keçirilir.
Azərbaycan Yerüstü Nəqliyyat Agentliyi (AYNA) son günlər taksi sahəsi ilə bağlı mediada yayılan məlumatlara aydınlıq gətirib. AYNA-dan Primeinfo.az-a verilən məlumata görə, Nazirlər Kabinetinin 7 aprel tarixində verdiyi 210 nömrəli sərəncam yalnız sifarişli qeyri-müntəzəm sərnişindaşımalar sahəsinə aiddir və taksi sahəsini əhatə etmir. Qeyd edilib ki, sərəncamda da 2 ay müddətində Nazirlər Kabinetinə veriləcək təkliflər məhz qeyri-müntəzəm sərnişindaşıma ilə bağlıdır və bununla əlaqədar texniki göstəricilər, daxili və xarici tərtibata dair tələblərin müəyyən edilməsini nəzərdə tutur.
533 nömrəli şəhərətrafı, Bakı-Lənkəran, Sumqayıt-Horadiz şəhərlərarası, Yalama qəsəbəsi – Qusar avtovağzalı, Xanoba kəndi – Xudat avtostansiyası istiqamətlərində avtobus marşrutları üzrə müsabiqələrin qalibləri müəyyən edilib. Primeinfo.az-a Azərbaycan Yerüstü Nəqliyyat Agentliyindən (AYNA) verilən məlumata görə, bu, sərnişindaşıma sahəsində rəqabətli mühitin, marşrutların təhkim edilməsində qanunvericiliyin tələblərinin təmin edilməsi ilə bağlı tədbirlərin davamı olaraq həyata keçirilib. 533 nömrəli şəhərətrafı (Şəfəq qəsəbəsi – Bakı Beynəlxalq Avtovağzal Kompleksi) marşrut üzrə hüquqi şəxs “Bus Service” MMC; Bakı-Lənkəran marşrutu üzrə fiziki şəxs Quluzadə Fəqan İman oğlu; Sumqayıt-Horadiz marşrutu üzrə fiziki şəxs Talıbov Polad Tahir oğlu; Yalama qəsəbəsi – Qusar avtovağzalı və Xanoba kəndi – Xudat avtostansiyası marşrutları üzrə hüquqi şəxs “Logistics and Transport Services” MMC qalib elan olunublar.
Bakıda Azərbaycan Respublikası ilə Gürcüstan arasında beynəlxalq avtomobil daşımaları üzrə Qarışıq Komissiyanın növbəti iclası keçirilib. Primeinfo.az xəbər verir ki, iclas çərçivəsində iki ölkə arasında avtomobil nəqliyyatı ilə beynəlxalq yük daşımalarının mövcud vəziyyəti və inkişaf perspektivlərinə dair müzakirələr aparılıb. Görüş zamanı beynəlxalq yük daşımalarının həyata keçirilməsi məqsədilə 2026-cı il üzrə əlavə olaraq ikitərəfli və tranzit daşımalar üçün 10 000 ədəd, üçüncü ölkəyə/ölkədən daşımalar üçün isə 2 500 icazə blankının mübadiləsi barədə razılıq əldə olunub.
Bu ilin I rübündə Bakı şəhəri üzrə mikromobillik vasitələri 676 907 dəfə sifariş olunub. Bu barədə Primeinfo.az-a Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyindən (AYNA) məlumat verilib. Bu, ötən ilin müvafiq dövrü ilə müqayisədə 1,7 dəfə çoxdur.
Bu ilin birinci rübü ərzində “biletim.az” portalı vasitəsilə onlayn qaydada 280 469 bilet əldə edilib. Bu göstərici ötən ilin müvafiq dövrü ilə müqayisədə 2 dəfəyədək çoxdur. Primeinfo.az-a bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyindən (AYNA) məlumat verilib.
Azərbaycanda daha bir neçə avtobus marşrutunun istiqaməti üzrə keçirilən müsabiqələrin qalibləri müəyyən edilib. Bu barədə Primeinfo.az-a Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyindən (AYNA) məlumat verilib. Bildirilib ki, Bakı–Gəncə, Bakı–Mingəçevir, Bakı–Şəki, Bakı–Lənkəran, Qazax–Mingəçevir, Qazax–Tərtər şəhərlərarası, Yenikənd (Siyəzən) – Siyəzən avtostansiyası, Səmədabad kəndi (Goranboy) – Gəncə (avtovağzal) və Xuluf kəndi (Şəmkir) – Gəncə (avtovağzal) istiqamətlərində avtobus marşrutları üzrə müsabiqələrin qalibləri müəyyən edilib.
Paytaxtda ictimai nəqliyyatla sərnişindaşımada növbəti rekord qeydə alınıb. Bu barədə Primeinfo.az-a Azərbaycan Yerüstü Nəqliyyat Agentliyindən (AYNA) məlumat verilib. Bildirilib ki, sərnişin daşımalarının daha səmərəli təşkili, marşrutların düzgün tənzimlənməsi istiqamətində atılan addımlar nəticəsində 2026-cı ilin ilk rübü ərzində 120 milyona yaxın sərnişin daşınıb.
Bakıda 6 müntəzəm marşrutun hərəkət sxemi müvəqqəti dəyişdirilib. Bu barədə Primeinfo.az-a Azərbaycan Yerüstü Nəqliyyat Agentliyindən (AYNA) bildirilib. Dəyişikliyə səbəb Səbail rayonu, Su İdman Sarayından Bibiheybət qəsəbəsi istiqamətinə (Dənizkənarı küçə) gedən yolda nəqliyyat vasitələrinin hərəkətinə məhdudiyyətin tətbiq edilməsidir.
